Etter litt fram og tilbake fann me i fjora.no korleis seriesystemet for handballjentene hang saman. For å seie det folkeleg, den algoritmen som beskriv seriesystemet er ikkje oppfunnen endå. Dette kan Fjøra sin algoritmeguru, Jan Rune Årøy, stadfesta.

Fjøra rykka ned i 5. divisjon, men har sjansen til å rykke opp att i 4. divisjon dersom dei vinn 5. divisjon. Motstandarar for Fjøra i 5. divisjon vert Eid, Gloppen II og og Florø og første kamp vert spelt laurdag 13. februar. Det skal spelast dobbel serie og me har fått tak i terminlista for dei gjenståande kampane.

13.02 kl 12:20  Florø - Fjøra
17.02 kl 19:45  Fjøra - Gloppen II
07.03 kl 12:45  Gloppen II - Fjøra
07.03 kl 15:15  Fjøra - Florø
14.03 kl 15:30  Fjøra - Eid
21.03 kl 16:05  Eid - Fjøra

Det som er litt spesielt er at kampane sundag 7. mars vert spelte i den nye hallen på Leikanger. Då er det duka for ein slags supersundag der også Syril skal spela kampar i avdelinga.

Når det gjeld antal poeng som laga tek med seg frå sine respektive 4. divisjonsavdelingar så har me funne ut følgjande (med atterhald om algoritmefeil :-):

Fjøra - 7 poeng
Eid - 6 poeng
Florø - 6 poeng
Vik - 6 poeng
Syril - 4 poeng
Gloppen II - 0 poeng

Me kjem utover våren til å koma med korte referat frå Fjørajentene sine kampar. Men me oppfordrar publikum i Sogndal (og andre plassar) om å ta turen for å støtta opp om sine favorittlag.