FJØRA HK           0 Marit Norheim     3 Hilde Nilsen     3 Anja Thune     4 Hege Sæthre     0 Linda Brusegard     0 Signe Marit Hansen     0 Anita Foss     1 Linda Moen     1 Hilde Vadheim     0 Hilde Instefjord     5 Siv Merete Hov     9 Hilde Johnsen     4 Siv Jeanette Lerum           KAMPFAKTA         Fjøra - Gloppen II 30-15     Domar: Torstein Egil Kvam, IL Jotun     Tilskodarar: Mange

Det vart ein flott kamp i Idrettshallen i Sogndal onsdagskvelden. Fjørajentene ga gass, la flatt og etter 2 x 30 minuttar effektiv handball hadde dei raude scora dubbelt så mange som dei blå frå Gløppen. Dei blå scora 15, kor mange scora Fjørajentene?

Men før me kjem attende til kampen mot Gloppen II så skrur me tida attende til fortida, nærare bestemt måndagskvelden. Då spelte nemleg Fjørajentene sin første kamp i 5. divisjon, bortekamp mot Florø i Noregs vestlegaste by. Men det kunne dei like godt ha spart seg. Dei kom heimatt som dei fleste etter ein tur på Hamar for 30 år sidan - som slakt. Det vart eit fælt 11-27 tap i kystbyen og det vert rapportert at lite eller ingenting fungerte for jentene. Såpass lite fungerte at me ikkje har fått lov til å skriva meir om kampen. Det kravet etterkjem me utan tvil.

Med stortapet mot Florø som bakteppe var det difor ein revansjelysten gjeng som i jaftes tok i mot Gløppen II som dei seier der uppe i nordfylket. Og Fjørajentene sette skapet tidleg på plass denne onsdagskvelden.

Gløppen fekk æra av å scora det fyrste målet. Etter dette var det berre eit lag på bana. Fjøra rasa fort avgarde og fekk ein 7-2 leiing. Deretter vart det ein 10 minuttars periode med mykje tullespel, før Fjøra stakk av mot slutten og gjekk til pause med 13-7.

Og dette visste me, at dersom Fjøra heldt tempoet og konsentrasjonen oppe i resten av kampen, so kom dei til å ha ingen problem med å slå dette laget. Gloppen kom med eit svært ungt lag, hadde flott innsats, men det var for lite kraft og oppfinnsomheit i spelet deira. Det hadde derimot Fjøra i massevis. Når i tillegg forsvaret sat som den berømte Die Mauer (eventuelt Antifaschistischer Schutzwall alt etter kva side av Berlinmuren ein heldt til) før 9. november 1989, so løysna det i angrep og.

Dermed vart 2. omgang rein formalitet. Likevel var det mange flotte scoringar, redningar, pasningar, taklingar å sjå. U name it, we got it. Dermed ebba kampen ut med 30-15 til Fjøra. Og det skal Gloppen vera mest glad for. Fjøra slappa av litt mot slutten, alle fekk spele, trur nesten samtlege scora og. Dette var ein flott gjennomført kamp av Fjøra. Og for fyrste gang scora dei 30 mål i ein kamp. Hege Sætre fekk æra av å scora dette historiske målet nokre sekund før slutt på eit finurleg vingskot. Vanskeleg å dra fram nokre Fjører i denne kampen så me gir bestemannspremien til heile bøle. I tillegg var det flott stemning på tribuna. Topp kveld i hallen med andre ord. Torstein Kvam hadde full kontroll i ein lettdømt kamp, kun 4 spelarar i fryseboksen.