Då er treningane for den kvinnelege delen av Fjøra starta for fullt. Og der det er damer er det også mannabein :-). Difor hadde gentleman Tom Wolff Navarsete teke turen oppom Idrettshallen for å bistå med sin botnlause kunnskap om skritt og dobbeltstuss.
 
Etter mykje fram og tilbake så greidde me i fjora.no og få tak på reglementet om opprykk og nedrykk. Så i vår meldte me at Fjøra sine handballjenter vart degraderte. Trudde me. No viser det seg at dette reglementet er like uforutsette som vitsane til Torbjørn Ylvisåker :-). Faktorar som at førstelag som ikkje kunne spela i same divisjonen som sitt andrelag, lag som trekte seg, andrelag som rykte opp, førstelag som rykte ned. Da heile koka ihvertfall inn (eller redusere som det heiter på kokkespråket) til at Fjøra vart verande i 4. divisjon. 
 
Det er nokre endringar i årets stall, ehh, eg meiner årets tropp. Er det nokon der ute som har fundert på kvifor ein brukar ordet stall når det gjeld handball eller fotball? Ein stall inneheld jo normalt hestar og å benytte det til å omtale eit damelag i handball vert jo aldeles feil. Så me held oss til tropp, trur eg. Stammen frå førre sesong er intakt. Me skal komma tilbake med ein større reportasje når det dreg seg mot seriestart, kva dei trur om sesongen osb. Rita Orrestad fortset som trenar, og kanskje vil me sjå ho på bana også utover sesongen. Treninga i går var det Linda Brusegard som leia med hard hand.
 
I og med at Fjøra i år held seg i 4. divisjon so blir det ein litt annan logistikk enn ifjor. Av lokale lag er det berre Årdalstangen igjen. Det betyr fleire reiser rundtom i fylket vårt. Men handballkretsen er faktisk litt konstruktive. Når ein fyrst spelar borte, spelar ein to kampar på same dag. Det vert lagt opp til ein skikkeleg handballhappening når ein fyrst skal arrangera noke med mange kampar mellom laga om det no er i Dale, Sogndal, Årdal eller på  Eid. Det betyr mykje folk og stor stemning. Eit flott tiltak tykkjer me. Det er seks lag i avdelinga til Fjøra og dei resterande 5 laga er ÅTIL, Eid, Stryn, Dale og Førde.
 
Fjøra skulle eigentleg ha spelt sin første seriekamp 2. oktober, men har valgt å utsette kampen. Så det inneber at første seriekamp for Fjørajentene vert 27. oktober då dei er vertar for ÅTIL. Kampstart kl 20:00.
 
Etter treninga i går å døme så verkar Fjørene klar for sesong - den vanskelege andre sesongen, som det heiter.

Bilete frå treninga