FJØRA FK     Leif Kvamm Lysne         Jørn Kvalvik         Ole Marius Solberg         Torbjørn Ylvisåker         Roger Hjellhaug         Ola Egge Ødegård         Jon Eirik Myhre (85)       Andreas Fardal       Kai-Henry Haugen (78)       Magnus Hunemo         Arild Underdal (67)           INNBYTARAR     Terje Flugheim (67)       Sebastian Øyrehagen (78)       Terje Thorsnes (85)                 ÅRDAL FK     Bartosz Degerowski         Brede S. Ylvisåker         Edvin Hestetun         Ole Einar Rebni (63)       Ingi Hilmarsson         Christian Stedje         Aleksande Linkvist (85)       Tim Teigen         Dan E. Johannessen         Jonas Hestetun (78)       Preben Strypet               INNBYTARAR     Abbas Abdul Wahabu (63)       Ole Gunnar Hunderi (78)       Johann Traustasson (85)                 OFFISIELT     Domar: Rune Haugland, Haugen IL Tilskodarar: 120 stk Veret: Overskya ver, bra bane. Bra speletilhøve.           DAGENS FJØR         Fjøra sin bestemann i denne kampen var Torbjørn Ylvisåker som spelte prikkfritt sett vekk frå ein glipp i 1. omgang. Vann alt i luftrommet og stort sett altte duellar han var involvert i. Også offensive bidrag.

POENGDELING I LOKALOPPGJERET

Lokaloppgjeret mellom Fjøra og Årdal i går kveld enda mållaust og dermed delte laga poenga. Slik tabellsituasjonen for begge laga er så var vel ingen direkte nøgde med det. Kampen var jamnspelt, med godt forsvarsspel og mange duellar og det var greit med eitt poeng kvar. Meir gledeleg er at Fjøra levert presterte langt betre enn i kampen mot FSK førre helg.

Det vart ein relativt sjansefattig kamp på Sogndal stadion i går. Kampen bar nok preg av at begge lagi var ute etter eit godt resultat og difor prioriterte defensiv tryggleik framfor å risikere for mykje offensivt. Kampen var jamnspelt stort sett i smtlege 90 minuttar. Lagi spelte seg ofte fram på kvarandres halvdelar, men det stoppa opp i siste tredelen. Både Fjøra og Årdal kom til ein del innlegg, men det var ikkje folk og trøkk nok inne i boksane til at det vart så mange sjansar ut av det.

For Fjøra sin del så må laget ta med seg det positive frå kampen. Ingen tvil om at laget heva prestasjonane sine mange hakk i denne kampen i forhald til det dei leverte mot FSK førre helg. Innsatsen var som vanleg framifrå, det same duelleringa. Forsvarsmessig var det botnsolid med ein opplagd kaptein i bresjen. No vart det eitt poeng for Fjøra i går og det var eit fortent poeng. Fjøra hadde også sjansar til å avgjere det heile, med 3 gode sjansar i 2. omgang, den siste på overtid. Men sjølv om det ikkje vart full pott så var det viktig at laget heva seg og viste at dei er på høgde med dei beste i Firdaligaen når alle spelarane er på hugget og jobbar godt i lag. Det gjorde Fjøra i går.

Det er også kjekt å sjå at dei nysignerte spelarane, som i går vart kasta ut i det mot Firdaligaens nest beste lag, viste gode kvalitetar og kjem til å bli viktige i Fjøra sin kamp om å overleve divisjonen. Det har me i Fjøra svært god tru på at me skal greie. Leverer laget slik ut sesongen så håpar me det er nok til å stå i divisjonen.

Første omgang
Det er ikkje så mykje å skriva om omgangen eigentleg. Generelt kan ein seie at spelet veksla det frå side til side. Årdal i angrep, så balltap, Fjøra i angrep, så balltap og slik var det i store det i store delar av kampen. Litt Hawai om ein vil. Kanskje ikkje det artigaste kampen for publikum å sjå på, men det var nerve i den heile vegen.

Kampens første sjanse kom etter 10 minuttar og den kom etter den einaste feilen Torbjørn Ylvisåker gjorde i kampen. Han skulle prøve å ta seg for ein ÅFK-spelar, men det gjekk ikkje bra, ÅFK tok over og det enda med eit skot frå Preben Strypet som Leif Lysne redda fint. Fire minuttar seinare noterte me ein ny bra sjanse då Christian Stedje fekk avslutta like utanfor på eit skot som kom etter eit kjapt innkast.

Deretter lyt me hoppe til 35 spelte minuttar og Fjøra sin første sjanse. Debutant Magnus Hunemo kom seg laus og fekk skote frå skrå vinkel. Skotet var godt, men redninga til ÅFK sin målvakt var også god og dermed ingen utteljing.

Stort sett meir å melde om av sjansar frå omgangen er det ikkje. Laga kom til ein del innlegg, men dei vart ofte for upresise og gjekk inn til keeper ellers så var det resolutt forsvarsspel som hindra sjanse. Heilt ok at det stod 0-0 ved pause.

Andre omgang
I andre omgang skjedde det litt meir enn i den første. Det var gjestane som kom best i gang og la eit lite press på Fjøra. Men Fjøra var kompakte og demma opp for dei årdølene skapte. Mellom anna måtte Torbjørn Ylvisåker sette inn ei god sklitakling for å unngå det som kunne ha vorte ein stor ÅFK-sjanse.

Etter kvart jamna spelet seg ut og ti minutt ut i omgangen kom til då kampens største sjanse. Magnus Hunemo utnytta ein sjeldan feil hjå Ole Einar Rebni og la ballen inn til Arild Underdal. Underdal kom til avslutning, men ÅFK sin keeper kom ut og blokkerte avslutninga.

Neste sjanse å melda om kom etter 66 minuttar og nok ein gong var det Fjøra som fekk sjansen. Jon Eirik Myhre førte opp og spelte laus Hunemo. Men han valgte å gå ”feil” veg då han mottok ballen og dermed fekk Årdal avklara. Hadde han valgt å gå hin vegen og avslutta så hadde det vorte ein god scoringssjanse. Me konkluderer med at han var i god scoringsposisjon, men at valget hans vart feil.

Etter 82 minuttar – ny Fjørasjanse og den var stor. Andreas Fardal knalla til frå distanse og kula hadde retning inn ved stolperota. Men på nytt varta Degerowski med ei flott redning og slo ballen ut til resultatlaus corner. Rett etter gjekk Årdal i kontring og spelte seg fram til corner. Corneren vart slegen for lang, men fanga opp og slegen inn på nytt mot fremste stolpe. Inn kom Ole Gunnar Hunderi i 90 og sette skjeltao til. Diverre for han og ÅFK så vart treffet for reint og ballen gjekk utanfor. Men det var bra rytme mellom legg og innløp i det tilfellet.

Kampen var jamn heile vege ut, men på overtid hadde Fjøra og Sebastian Øyrehagen ein sjanse til å avgjera kampen. Terje Flugheim vann ein luftduell utanfor boksen til ÅFK og stussen gjekk høgt opp i lufta og inn mot bakerste stolpe. Øyrehagen kom inn, men satsa litt for tidleg, noko som gjorde at han ikkje fekk nikka ballen over ein utrusande ÅFK-keeper. I staden for ein nikk over ÅFK-keeperen på halvdistanse så ramla ballen rett ned til målvakta. Ein kjempesjanse til Fjøra var det.

Som de ser så var det Fjøra som hadde dei beste sjansane i denne omgangen. ÅFK hadde nokre cornerar og innlegg, men det vart ikkje noko sjansar ut av det. Kampen vart litt ”uryddig” i og med at Årdal køyrte mykje med lange oppspel og deretter kom etter med laget. Men i denne kampen fungerte det ikkje heilt, og det skal Fjøra som lag ha mykje av æra for. Det var tross alt nummer på i ligaen som var på besøk.

Sluttord
Godt gjennomført kamp av Fjøra defensivt der dei har god kontroll på Årdal som slepp til svært sjeldan. Offensivt lugga det meir, men det har litt med utgangspunktet og motstandar å gjere. Fjøra torde ikkje å satse altfor mykje når dei gjekk i angrep, mot ei såpass godt lag som Årdal. Likevel, me tykte Fjøra var det laget som i størst mogleg grad prøvde å spele den finaste fotballen i denne kampen, og det var også Fjøra som hadde flest scoringssjansar. Likevel var vel poengdeling ikkje så hakkande urettvist i ein jamn kamp i 2x45 minuttar. Alt i alt så var dette ein godt gjennomført kamp av Fjøra og me er nøgde med innsatsen til karane.

Fjøra fekk to forfall rett før kampstart, og det medførte at nye spelarar måtte inn i startoppstillinga. Jørn Kvalvik rett inn på høgreback og han viste solid backspel og hadde god kontroll på Christian Stedje, ÅFK sin gode kantspelar. Magnus Hunemo gjekk rett inn på topp saman med Arild Underdal og det er ingen tvil om at Hunemo har kvalitetar som laget treng. Stor og sterk og god med mann i rygg. Gode debutar av båe to. Elles var Andreas Fardal attende i same slag som i kampen mot TMFK og var stor på midtbana. Torbjørn Ylvisåker var etter vårt syn Fjøra sin bestemann i denne kampen og viste gong på gong sin styrke både i luftrommet og langs bakken. Rett nok tok han ein Tobbe-spesial i 1. omgang og det var einaste feilen han gjorde i løpet av kampen. Ingen tvil om at Tobbe er mellom dei beste stopparane i Firdaligaen. Når me no dreg fram desse spelarane så skyt me inn at alle mann gjorde det dei skulle og bidrog sterkt til at dei eine poenget vart verande i Sogndal.

Fjøra har vist både i går, mot TMFK for to rundar sidan og i tidlegare heimekampar at laget held godt 3. divisjonsnivå. Neste kamp for Fjøra er komande fredag då dei tek turen til Jølster. Det vert ein ny viktig ”cup-kamp” for Fjøra som har ting å bevisa når dei spelar på framand gras.

Me ynskjer alle ei fortsatt god helg!