Saksliste:

1. Opning
2. Årsmelding 1989
3. Rekneskap 1989
4. Budsjett 1990
5. Innkomne saker, evt. benkeforslag
6. Kontigent 1990
7. Valg
8. Diverse

Styret har i perioden hatt 23 styremøte og 6 medlemsmøte. – Fast møte annankvar torsdag, men tettare møteverksemd i travle periodar.

Finn Stedje representerte klubben på kretsinget.

Av viktige saker kan nemnast samarbeidet rundt arrangementet MIDTSOMMARMARKNADEN – der Rolf nok ein gong var den store generalen. Dette arrangementet er vi interesserte i for vidare jobbing i framtida.

TRENINGSFELTET på Kvåle viste seg å vere eit brukbart alernativ i vanskelege treningsperiodar. Feltet vil nok bli svært viktig for FFK i åra framover. Dette året vart det forsøkt ein samarbeidsmodell om eit U-lag der SIL jr. melde seg over i Fjøra og danna Fjøra U. Her fekk juniorspelarane saman med Fjøra kamtilbod i eigen U-serie. Dette samarbeidet gav god kamptrening. Når det gjeld det sportslege opplegget rundt Fjøra, vil styret rose oppmenn og trenar. Det ligg eit kjempearbeid i å spikre saman trening og kamptilbod ut gjennom sesongen. Treningsopplegg fram mot seriestart med blant anna «treningshelg/veke» på Møre gir meirsmak. Eit liknande opplegg siktar vi oss inn på i komande sesong også. Vi fekk til slutt ein 3. plass i serien. Eit sportsleg resultat vi må vere nøgde med.

Alle frivillige organisasjonar merkar den økonomiske tilstramminga, men med samla innsats frå alle i klubben skal vi greie dette også.

Vi vil takke for godt samarbeid i sesongen som gjekk til alle dei som gav oss støtte og hjelp. Her må spesielt namnast:

LERUM – DOMUS – SPAREBANKEN VEST – KDV – NOROL v/ODDVIN ØLNES.

Til slutt ei takk til spelarar, leiarar og alle andre som tok eit tak i 89-sesongen.

LUKKE TIL MED 90-SESONGEN.

Sogndal 1.1.1990/31.12.1989

FJØRA FOTBALLKLUBB

Styret

Odd Olsen

- i stikkords form -

God treningsplanlegging, ein entusiastisk og systematisk arbeidande trenar, bra treningstilhøve på Fosshaugane grus, morgontrening kl. 0730, ei vellukka treningssamling på Høddevoll, svært gode sportslege prestasjonar som svinga frå det verkeleg gode til det uforståeleg dårlege.

Likevel: Sjølv om vi tapte opprykkskampen på målstreken, har sesongen 1989 etter mitt syn vore eit vellukka fotballår for Fjøra FK. Mange personar har gjort ein god jobb for Fjøra i sesongen som vi har bak oss. Eg vil ikkje trekkja fram namn, men eg vil takka

• han som med stor velvilje ga Fjøra framifrå trenings- og kamptilhøve på Sogndal Stadion
• han som sytte for at vi hadde domar og 2 linjemenn på treningskampane
• han som m.a. rydda bana for snø kl 0500, slik at vi kunne spela treningskamp
• ho som heldt draktene i topp stand
• dei som gjorde dei ulike jobbane før, under og etter kampane
• han som køyrde bussen på utekampane
• han som ga topp service når det gjalt drakter, ballar og anna utstyr
• dei som brukte mykje tid på styremøta
• dei som trena og spela kampar i snøslaps, på nyslått grasbane og blytung grusbane
• alle andre som har gjort ein jobb for Fjøra FK i sesongen 1989.

Til slutt: Takk til Torgeir for framifrå samarbeid.

Sogndal, 10.01.90

Finn S.