ÅRSMELDING 1993
Årsmøte 17. januar 1994Saksliste:
Styret har i 1993 vore samansett slik:
| Formann | Kjetil Ertesvåg |
| Nestformann | Tom Ness |
| Kasserar | Tom Ness |
| Sekretær | Arnt Årøy |
| Styremedlem | Arne Johansen, Kåre Stokkanes |
| Varamedlem | Vidar Fardal, Odd Olsen, Rolv Bjelde |
| Revisorar | Edvin Raunehaug, Knut Navarsete |
| Valnemnd | Odd Olsen (form.), Kai Danielsen, Rolv Bjelde, Bent Sætre |
| Sportsleg leiar | Bjørn Rune Nondal (har møtt i styret) |
| Trenar/Hjelpetrenar | Reidar Dvergedal, Kjell Ertesvåg |
| Servicemann | Odd Foss |
| Spelarrep. i styret | Jan Rune Årøy, Einar Kvam |
Det har i året vore halde 11 styremøte (52 saker) og 5 spelar-/medlemsmøter. Styremøta har stort sett lege fast til onsdagar, 1 gang pr. månad.
FJØRA FK markerte seg nok ein gong positivt i første del av sesongen, men «juni-smellen» kom diverre også i 93, og varde lenger enn vanleg. Laget har i fleire år vist at vi er gode nok til å kjempa i teten i periodar. Marginane er små, og vi enda til slutt på ein 8. plass med 28 poeng, etter ei svært god opning, svak midtsesong, og labert varierande haustinnspurt. Totalt sett den svakaste sesong på fleire år. Ein heller liten og ujamn stall, samt ein del skadar og anna «fråvær» ut i sesongen verka nok negativt inn på sluttresultatet. Stabiliteten må betrast!
I NM-cupen slo vi Sandane 4-1 i 1. kvalik heime, og tapte 3-0 for Voss i 2. kvalik borte.
Vi var og med i Firda-cupen 93, med siger over Balestrand og tap for SIL.
Treningstilhøva var ikkje stabilt gode nok, og dette må betrast om vi skal ta mål av oss til topp-plass.
Alt i alt var 1993 ein sportsleg laber sesong, men det vart gjort mykje godt arbeid og fin innsats over heile lina i klubben. Tilsaman 20 spelarar var nytta i obligatoriske kampar i 93-sesongen.
Bjørn Rune Nondal og Reidar var utsendingar på kretstinget i Førde 26.-27.11.
Den tradisjonelle årsfesten vart avvikla med stor lukke og festivitas på Lægreid laurdag 20.11.93.
Økonomisk har vi hatt eit nytt bra år. Dette takka vere fin oppslutnad og støtte frå alle hald. Garderobeordninga, sponsorpengar, sal av sponsorkontraktar, og programannonsane har samla gjeve eit bra resultat.
Som det går fram av rekneskapen har vi utgiftsført ca. kr 40.000 i baneleige i 93. Slike krav som vi er møtt med i 93 kan koma til å øydelegga klubben.
Som rekneskapen 93 viser har vi eit driftsresultat på ca. – kr 9.000, etter dekning av kostnader med kjøp av salsvogn og videoutstyr, og dette skal vi vera bra nøgde med. Etter finanskostnader er underskotet ca. kr 12.000,-. Gjeldsbrevlånet rest ca. kr 33.000,- er innbetalt/innløyst i 93.
Budsjett 93 har halde fint på inntektssida, + ca. kr 9.000, medan utgiftene er ca. kr 23.000,- større enn budsjettert. Herav er kr 11.000,- utgiftsførd salsvogn og videoutstyr, auka reisekostnader ca. kr 10.000, og auka baneleige ca. kr 10.000 dei største avvika. Sjå elles rekneskapen og budsjettet 93 som ligg ved.
Budsjett 94, sjå vedlegg.
Til slutt ei takk for sesongen 1993. Takk for godt samarbeid til alle som hjelpte oss. Spesielt må nemnast:
Lægreid/Trøkkeriet, Lerum Gruppen A/S, Statoil v/Oddvin Ølnes, NIT-VEST, Domus, Sparebanken Vest og Fotograf Sviggum.
Takk til spelarar, trenarar, leiarar og alle som tok eit tak for FJØRA FOTBALLKLUBB i 93-sesongen. Takk også til pressa.
VI TRENG KVARANDRE
LUKKE TIL MED 94-SESONGEN. FJØRA FOTBALLKLUBB 20 ÅR.
Sogndal, 31. desember 1993/15. januar 1994
FJØRA FOTBALLKLUBB
STYRET
Kjetil Ertesvåg
- formann -