Saksliste:

1/96 Opning
2/96 Val av ordstyrar/skrivar
3/96 Årsmelding
4/96 Rekneskap
5/96 Budsjett
6/96 Innkomne saker
7/96 Medlemskontigent 1997
8/96 Val

MØTEVERKSEMD:
Det har i 1996 vore avheldne 18 styremøter. På desse møta har forutan styret og varamenn også trenar, oppmann og spelarrepresentant vore innkalla. Oppmøte på styremøta har vore godt. Ein har i tillegg til dette avvikla 2 medlemsmøte, ein klubbkveld og grillkveld på Hylsæte.

Styret har i dette året fortsatt arbeidet ein påbegynnte i 1995 med å betre organiseringa av klubben og hjelpeapparatet. Når ein ser tilbake kan vi seie oss nøgde med delar av dette arbeidet, men det er fortsatt behov for ei klarare ansvarsfordeling og jamnare fordeling av arbeidsoppgåver. Fortsatt må vi og erkjenne at vi er for få i støtteapparatet og at arbeidsbyrda på enkelte blir for stor. Dette har styret i løpet av året tatt til etteretning og vedteke at styret for neste sesong blir utvida med 2 nye medlemmer.

Vi har i denne sesongen nytta oss ein del av dei ideane Jon Erik Hjelmhaug gav oss på klubbutviklingskvelden vi avvikla i desember 1995. Vi utarbeidde presentasjonsmappe av klubben. Denne vart nytta i forhandlingane med sponsorar o.l. Vi gav for første gang ut kampavis i staden for kampprogram. Kampavisa vart distribuert til alle husstandane i Sogndal kummune rett før seriestart. Tilbakemeldingane på avisa var svært positiv. Også økonomisk vart kampavisa ein suksess. Vi selde annonsar for omlag kr. 80.000,-.

I sesongen fekk laget nye drakter og alle medlemmane fekk utdelt overtrekksdressar og klubbgensarar. Når det gjeld salg av reklameplass på draktene og overtreksdressane fekk vi ikkje seld shortsane og ryggen på overtrekksjakka. Dette bør vi prøve å gjere noko med i 1997.

Treningstilhøva i år var som i fjor. Mesteparten av grastreningane føregjekk på Hafslo, medan vintertreningane gjekk på til dels gode baneforhold på Fosshauganegrusen. Kostnadsmessig vart baneleiga for 1996 mykje høgare enn for 1995. Denne auken kom etter at Fjøra hadde utarbeidd budsjettet for sesongen og gjorde difor naudsynt med ein gjennomgang av budsjettet på nytt.

I år som i fjor var Fjøra FK på treningsleir i Danmark. Treningsleiren vart finansiert av spelarane sjølve gjennom dugnadsinnsats, loddsalg og eigenandal på turen.

Sportsleg sett blei 1996 eit godt år sett med Fjøra-auge. Seier i Firda-cup og god plassering i serien. Sjå elles eiga årsmelding frå trenar.

REPRESENTASJON:
Arnt Årøy deltok på kretstinget i Førde 23. og 24. november.

ÅRSFESTEN:
Årsfesten blei i år avvikla på Hjorten Kro 15.11. På festen blei ei rekke personar heidra for innsatsen gjennom året. Vidare vart det delt ut utmerkingar for:

ØKONOMI:
1996 har vore eit bra år økonomisk. Rekneskapet viser at vi har eit driftsoverskot på kr. 30.556,18. Ein sit gjen med ein positiv eigenkapital på kr. 966,02. Resultatet skuldast i hovudsak ein enorm innsats av både spelarar og hjelpeapparat. Mykje av inntektene til Fjøra må hentast gjennom dugnadsinnsats.

Salg av sponsorkontrakter har også i år vore vår største inntektskilde. Vidare er det kampavisa, dugnadsinnsatsen og sponsorpengar som er hovudinntektskildene.

DUGNADER:
Driftsåret 1996 har vore sit svært aktivt år i høve dugnader som bør trekkast fram er riving av fjøsen på kaien og flytting av trygdekontoret. Ein har også i år avvikla grilling i Fjøra, der særleg grilling under Sognefjord Cup gjev godt utbyte økonomisk.

Spelarane utførte i tillegg mange dugnadar i samband med finansieringa av treningsleiren.

Oppsluttnaden på dugnadane har vore bra. Ein ser likevel at ein bør prøve å få til ein endå jamnare fordeling på dei enkelte medlemmene for 1997 sesongen.

KLUBBHUS:
Styret har i løpet av året arbeidd med planane om bygging av eige klubbhus. Ein har fått løyve til å sette opp eit bygg i tilknytning til eksisterande klubbhus for Sogndal vis a vis grusbana på Fosshaugane.

Ein har søkt banken om prosjektmidlar og motteke kr. 15.000,- derifrå. Vidare blei Fjøra FK tildelt isolasjon til ein verdi av kr. 10.000,- frå Maxbofondet i P4. Ei nemnd arbeider for tida med konkrete finansieringsplaner av bygget. Planane er å bygge klubbhus i løpet av 1997 om vi finn at økonomien strekker til utan at det går ut over drifta på andre område.

AVSLUTNING:
Fjøra har hatt eit svært aktivt år, der ein del nytenkning har vore prøvd ut. Framover ligg utfordringane i korleis vi kan gjere klubben levedyktig i konkurranse med dei meir pengesterke klubbane vi har rundt oss. Fjøra må nok også i framtida tenke utradisjonelt når det gjeld det økonomiske. Vi er alle avhengige av kvarandre og nærmiljøet om Fjøra skal halde oppe det nivået vi har i dag.

Til slutt ei takk til alle som var med å tok i eit tak for at resultatet skulle bli så bra som det blei i 1996.

Takk for godt samarbeid. Spesiell takk til:

LERUM KONSERVES A/S v/KÅRE LERUM, DOMUS, SPAREBANKEN VEST, Sogndal, SOGN BILLAG, GILDE, Sogndal og STATOIL NORGE A/S v/Oddvin Ølnes.

LUKKE TIL MED SESONGEN 1997

SOGNDAL 18.01.1997
FJØRA FOTBALLKLUBB

Styret

Margrethe Svidal

Både sportsleg og administrativt må ein kunne seie at 1996-sesongen er noko av det betre Fjøra FK nokon gong har gjort. Vi kom til slutt på ein 5. plass i serien. Det er eg godt fornøgd med. Vi spelte jamnt mot dei aller fleste laga. Ja, faktisk så var det ingen av laga vi møtte som slo oss alle gongene. Så avstanden fram til dei beste i divisjonen er ikkje så avskrekkande. Samtidig skal vi vere klar over at det er lite som skiller oss frå ein 8. – 9. plass.

I tillegg til den gode plasseringa i serien, vann vi også Firda Avis Cup (FA-cup`en). I ein dramatisk finalekamp i dritvêret i Florø i midten av oktober drog vi det lengste strået og vann fortent 2-0. Dramatikken låg i at vi ikkje hadde keeper. Morten Hagen gjorde her ein glimrande jobb som vikarierande keeper. Og når vi då fekk ein «vanleg» keeper i målet dei siste 10 min., ja då byrja dramatikken for alvor. Det enda med at ein Florø-leiar entra bana. Vi held heldigvis hovudet kaldt og drog sigeren i land.

Og akkurat det med å halda hovudet kaldt og vere disiplinerte var noko spelarane gjennomførte sesongen med til nesten 20 i stil. Det er faktisk noko av det eg er mest fornøgd med, og det enda til slutt med at vi vann kretsen sin Fair Play-pris i 3. diviskon. Meget bra!

Ein oppsummering av det sportslege viser då at Fjøra FK vann både Fair Play-prisen og Firda Avis Cup, og kom på 5. plass i serien og er klar for NM cup i 1997. Det meiner eg vi skal vere godt fornøgde med. Så får vi sjå om vi kan gjere det endå betre i 1997.

Fjøra FK har i 1996 nytta 21 spelarar. Stallen har stort sett vore den same gjennom heile sesongen. Viser elles til statistikken ein annan stad for kven som har spelt, målscorarar, antal treningar på den enkelte m.m.

Vi har gjennomført 104 treningar i 1996 mot 101 i 1995. Når det gjeld treningsoppmøtet ligg snittet her på 16,61 pr. trening (15,5 i 1995). Gjennomsnittstalet for spelarane i stallen er 13,21 pr. trening (13,8 i 1995). Her er det kanskje litt å hente?

Vi har elles hatt eit samarbeid med SIL 2 med eit felles rekrutteringslag. Dette samarbeidet var på papiret svært interessant, men det viste seg fort at det ikkje var så bra i praksis. Men det gav likevel verdifull kamptrening for dei som sat på benken hos oss, sjølv om vi kunne tenkt oss at dette laget hadde fungert betre.

Treningsforholda i vinter var jamnt over bra. Vi har også i 1996 vore på treningsleir til Danmark. Og som i 1995 reiste vi til Sæby. Vi hadde der eit fint opphald, men banene var ikkje så gode p.g.a. kulde. Men totalt sett hadde vi gode forhold på forsesongen.

Gjennom sesongen har vi også i år trent mykje på Hafslo. Forholda her var litt variable, men stort sett bra. Vi trente 42 gonger på Hafslo (41 i 1995) og 4 gonger på Sogndal Stadion (6 i 1995).

Når ein ser nærmare på tabellen, ser ein at vi i år scora 56 ål på 24 kampar. Det gjev 2,33 i snitt. Og det er brukbart. Samanliknar ein med 1995 så scora vi då 44 mål på 22 kampar. Vi auka med andre ord snitt scora mål med 0,33 pr. kamp. Den største framgangen ser vi likevel på antal mål imot. I 1996 slapp vi inn 42 mål (snitt på 1,75 pr. kamp) mot 54 i 1995 (snitt på 2,45 pr. kamp). Det er ein forskjell på 0,7 mål imot pr. kamp! Likevel synest eg vi slepp inn for mange mål. Gjennomsnittet er nokonlunde bra, men i nokre enkeltkampar slepp vi inn for mykje mål. Det skal ikkje vere lov å «gje opp» sjølv om vi t.d. ligg under 2-0. Her har vi absolutt mykje å gå på. Døme på slike kampar i år er Tornado og Florø på bartebane.

Det er elles interessant å sjå at vi scorer fleire mål i år enn i fjor sjølv om vi miste toppscoraren frå 1995. Det viser at det er fleire spelarar som kan og vil ta avslutningsansvar. I 1996 var det 10 spelarar som scora dei 56 måla. I 1995 var det berre 8 spelarar som kom på scoringslista. Dette håpar eg sjølvsagt at vi kan utvikle vidare i 1997, slik at det vert endå fleire som lagar mål.

Fjøra FK gjorde ein kjempefin sesong i 1996, men som ein skjønnar finst det rikeleg med utfordringar framfor 1997-sesongen. Så her hjelper det ikkje å kvile på lauvbæra.

Til slutt vil eg takke spelarar og leiarar for ein glimrande jobb i 1996. Her finst mykje godt å bygge vidare på og eg håpar alle er interessert i å gjere ein minst like god jobb i 1997.

Arne Førde

Etter bruk av Kaupanger IL sine brakker, for oppbevaring av utstyr og samtalar før trening/kamp, vinteren 95-96 vart det teke opp spørsmål om eit eige bygg, klubbhus. Dette vart diskutert i styret og i spelarmøte.

Det vart gjort vedtak i styremøte, at klubben skulle jobbe vidare med spørsmålet og det vart nedsatt ei byggenemnd.

Til byggenemnda vart valgt desse:

Arne Førde, Jan Rune Årøy, Kai Vidar Danielsen og Arnt Årøy som formann. I tillegg har også Helge Jostein Follevåg vore med på møta.

Det vart først diskutret om overtaking av gamle brakker, fordi kommunen skulle rive brakkeriggen til barnehagen på Ylvisåker. Klubben sende også inn eit anbud på desse brakkene, men trekte seinare anbodet, då me såg det så arbeidskrevjande og kostnadsamt med riving/transport av brakkene fram til grusbana. Me gjekk frå dette og valgte å bruke eventuelle dugnadar på eit nytt eige bygg.

Byggenemnda har hatt tre møter, der me har diskutert og utarbeidt teikningar/prisoverslag. Gullstein Rørstadbotten har vore med på dette arbeidet og har lova å vere «konsulent» i det vidare arbeidet.

I tillegg har det vore halde møte med SIL v/Svein Bakke der me har fått avtale om løyve til å knyte seg til deira brakker.

Det er sendt søknad til Sogndal kommune om byggjeløyve. Slikt løyve fekk me i møte den 21/11-96.

Etter dei første planane skulle me vere klar til byggestart i desember, dette vart utsett av fleire grunnar, men nemnda startar oppatt arbeidet med innhenting av prisar m.m. straks etter årsmøtet.

Teikningane som er teikna av Sogndal Yrkesskule ligg vedlagt.

Sogndal den 20/1-97.

For Byggenemnda

Arnt Årøy