ÅRSMELDING 1999

Spelarrepresentantar i styret: Geir Inge Heggestad og Ole Erik Grinde og Kjell Ertesvåg.

Trenar:                          Nils Tore Krosshaug
Sportsleg leiar:             Yngve Håkonsen
Oppmann:                     Jan Arild Jakobsen
Kampansvarleg:             Kai Vidar Danielsen

Støtteapparat med møterett til styremøte: Kai Vidar Danielsen,

Tore Hågård og Inge Sundsøy.

Valnemd: Klubben har ikkje hatt valnemd i 1999 då styret sjølv har teke dette.

Møte/tilstellingar/dugnadsarbeid:

Fjøra Fotballklubb har avvikla 14 styremøte i perioden. Her har styret, spelarrepresentantar, trenar, oppmann, sportsleg leiar og støtteapparat vorte kalla inn. Styret har på desse møt handsama over 63 saker. Ei overvekt av desse sakene har konsentrert seg om klubbens økonomi og dermed generell drift av klubben.

Vidare har Fjøra FK hatt fira spelarsamlingar på Dolly Dimple’s, der den siste var sponsa av Dolly Dimple’s, ein spelarsamling på Hafslo og tradisjon tru, ein tur på Hyllsete med ulike aktivitetar. Styret har også hatt sin tradisjonsrike årsavsluttning hjå Åse og Kai Vidar.

Etter at opprykket vart sikra med 3-0 over Dale heima i Sogndal markerte klubben dette med samling på Quality Sogndal Hotell

Av større inntektsbringande arbeid i perioden har Fjøra FK hatt si eiga kampavis, sal av Fjørakontraktar, sponsorinntekter og ikkje minst inntektar på ulike dugnader som til dømes grilling, scenebygging, arbeid med golv i Storhallen og dømming under Sognefjord Cup.

Medlemstal:

Fjøra FK er framleis ein svært liten klubb med eit medlemstal som knapt passerar 30, noko som har vore stabilt for klubben over fleire år.

Utdanning/Representasjon:

Arne Emil Wathne og Nils Tore Krosshaug deltok på leiar/trenar samling i regi av SFFK og Arne Emil Wathne deltok på leiarmøte i regi av SFFK.

Sesongen 1999:

Treningstilhøve var i perioden dei beste klubben har hatt, Sognahallen vart brukt gjennom heile sesongen, også til gjennomføring av kampar, og alle grastreningar vart gjennomført på Hafslo. Dei av heimakampane som ikkje vert spelt i Sognahallen gjekk på Sogndal Stadion.

Sportleg sett vart sesongen 1999 den beste i heile Fjøra Fotballklubbs historie. Klubben var den suverene vinnar av tredje divisjon, med to tap, tre uavgjort og sytten seirar laga Fjøra FK historie med å rykkje opp i andre divisjon. Men sukssen stoppar ikkje der for Fjøra FK. Etter endå ein gong å fått trekninga i Firda Avis Cup finalen mot seg, Fjøra FK har slege Florø på bortebane 2-0 i finalen før, måtte klubben reise til Førde for å spele kamp i haustmørke mot Førde. Her tok Fjøra FK endå ein gong fram det beste vann ein fortjent seier 2-1 og som kruna på verket vann Fjøra FK Telenors Fair Play konkurranse for tredje gong.

Årsfesten/25 års jubileum:

Årsfesten vart i 1999 avvikla i samband med klubbens 25 års jubileum. Følgjande spelarar vart heidra:

Ole Erik Grinde                  årets spelar
Einar Kvam                        årets toppscorar
Morten Hagen                    50 kampar (66)
Geir Inge Heggsstad           100 kampar(101)
Helge Jostein Follevåg        100 kampar (118)
Einar Kvam                         200 kampar
Jan Rune Årøy                    250 kampar (250)

Vidare fekk Margrethe Svidal og Terje Rømo gåve som takk for innsatsen i styret i Fjøra FK og Nils Tore Krosshaug fekk gåve for glimrande innsats i sesongen 1999.

I sesongen 1999 kunne som kjent Fjøra FK feira 25 år og makan til jubelsesong skal ein ein leite lenge etter. I samband med jubileumet arrangerte Fjøra FK ein revy i Sogndal Kulturhus med påfølgjande jubileumsfest på Quality Sogndal Hotel. Hovedsakleg skulle revyen og festen vere for dei som har vore med i Fjøra FK gjennom alle desse åra med etterkvart som datoen for revyen nærma seg vart det klart at fleire måtte få bli invitert. Vil og ta med at me nok kunne ha gjort dette på eit tidlegare tidspunkt.

Dei ansvarlege for revyen var frå klubben: Bjørn Rune Nondal, Annvei Foss, Jan Rune Årøy, Åse Danielsen, Kitty R. Midttun og Arne Emil Wathne. Før og under revyen var det også fleire som tok del: Frode Navarsete, Svein Røysum, Lilly Schøyen, Vigdis Hollekved, Arild Brandshaug, Inge Ronny Årøy, Bjørn Tore Årøy, Rgoer A. Ivin og Tor Uglum. Og alle som tok del i revyen, både med arrangementet og på scena med store prestasjonar.

Fjøra Fotballklubb er dykk alle ein stor takk skuldig.

Under jubileumsfesten var det fleire som heldt talar til klubben og som kom med gåver. Av Ove Ask fekk klubben eit bilete som syner Sogndalsfjøra, Av Sil, representert med Arne C. Førde, fekk klubben 5000,- kroner til bruk til klubbhus, av Kaupanger, representert med Torgeir Strypet, fekk klubben bilete og vimpel.

Av SFFK, representert med Geir Navarsete fekk klubben ekstra utmerking utover pokal for siger i tredje divisjon, Telenors Fair Play. Firda Cup vart overrekt etter finalen i Førde.

SFFK, ved Geir Navarsete, hadde også med seg heidersdiplom til Arnt Årøy som takk for ei god innsats for klubben gjennom mange år. Arnt er den andre i klubben som får kretsen sin blå diplom, Kai Vidar var den første. Fjøra Fotballklubb vil samtidig takke Arnt og Kai Vidar for lang og tru tjenste med ulike verv i klubben. I år har begge signalisert at dei vil trappe ned.

Sogndal Kommune kom med helsing frå kommunen og gav Arnt Årøy, Kai Vidar Danielsen og Arne Emil Wathne kommunale utmerkingar for innsatsen i Fjøra Fotballklubb.

Etter alt dette var det Fjøra FK sin tur til å heidre viktige støttespelarar gjennom tidene. Av sponsorarne vart følgjande tildelt bilete:

Lerum v/ Grete Lerum, Intersport v/ Karstein Bergheim, Urmakar Bjørklund Vatlestad v/ Rolf Vatlestad, Statoil v/Oddvin Ølnes.

Av personar med verv i 9 år eller meir i Fjøra Fotballklubb vart følgjande tildelt bilete:

Ove Ask, Kai Vidar og Åse Danielsen, Arnt Årøy, Kjetil Ertesvåg, Vidar Fardal, Bent Sætre og Jan Rune Årøy.

I talen frå leiar under festen vart det understreka, fleire gonger, at å hugse alle gjennom 25 år kan vere vanskeleg difor vart lista for gåver frå Fjøra FK lagt høgt med det er viktig å ta med at klubben sender ei stor takksemd til støttespelarar og sponsorar som har vore med i kortare periodar.

Det er ikkje berre sportsleg og revy suksess Fjøra FK har opplevd i 1999. Me opplever også suksess i teknologiens verden. Klubben, som er landets minste, har blandt landets største faktasamling på internett.

Her er Jan Fuglesteg ansvarleg redaktør og han har samtidig med dette samla heile Fjøra historia under eitt og jobbar no med bokprosjekt om Fjøra FK som me håpar kan sjå dagens lys i løpet av 2000. Stå på Jan, fortsett med da gode arbeide du gjer for Fjøra FK.

Økonomi:

1999 var eit godt økonomisk år for Fjøra FK. Rekneskapen syner eit driftoverskot på kr 33 657,-, sjå vedlagt rekneskap. Samtidig med dette har klubben ein posetiv kapital i bank.

Billett- og sponsorinntekter gjekk godt over budsjett, det same gjorde også inntekter henta frå dugnader. Noko som kan tyde på at Fjøra FK sjølv er blandt sine største sponsorar. 1999 såg også ein auke i salet av Fjørakontraktar frå 420 til 450, alle vart selt. Klubben har også hatt større utgifter enn først budsjettert. Noko som ein har klart å kompensere med godt arbeid i styret og klubben generelt med skaffe inntekter. Men for ettertid må ein få bemerke at dette ikkje er ein gunstig måtte å drive klubben på.

Av utgifter må ein mellom anna å merke seg kostnaden med baneleige. Denne er nærmast dobbelt so stor i 1999 som 1998. Men den vart som budsjettert. Kostnaden med baneleige er altfor stor for Fjøra FK, noko som den har vore i fleire år, og som fører til at dette er og blir ei utfordring for styret i klubben. Ein vil også sjå at klubben hadde ein kostnad på over 16000,- i samband med jubileumsfesten.

Fjøra FK fekk også eit tilskot på kr 3000,- frå Sogndal Kommune i kulturmidlar.

Fjøra FK fekk vidare eit tilskot til revy og jubileumsfest på kr 2500,- frå Indre Sogn Sparebank.

Avslutting/Oppgåver i året som kjem:

1999 blei eit jubelår frå start til slutt. Treningstilhøva i Sognahallen gav nok spelarane ein ekstra giv på starten av sesongen. Aldri før har vel oppsluttnaden på trening våre so bra so tidleg i sesongen. Dette gav også synlege resultat utover i sesongen. Fjøra FK spelta so bra fotball at me nærmast vart beskulde for juks i bruken av Sognahallen. Uansett so synte resultata at det var det same om klubben spelte ute

eller inne. Den sportslege målsetninga som var å ”gjere det betre enn ifjor” slo til for fullt og den økonomiske målsetninga må klubben og sei

seg godt nøgd med. Og når jubileumsåret vart avslutta med ein kjemperevy so er da vel ikkje so mykje meir å sei om sesongen 1999.

Derimot står klubben nok ein gong framfor nye utfordringar i sesongen 2000. Det vert den første i andre divisjon og realistisk sett so må ein rekne med at det kan gå litt tyngre no. Men klubben har vist før at den veks med oppgåvene og det skal delast ut ein del poeng før ein skal gjere opp status til hausten. Sesongførebuingane har starta godt og klarar ein å fortsette på det ein er byrja på so har klubben eit utgangspunkt sportsleg sett.

Men som kjent er det økonomiske også ein viktig del av Fjøra FK og nok ein gong ser det ut som at klubben må basere drifta på eigeninnsats. Budsjettet er stort for ein so liten klubb som Fjøra FK og her må alle, både styret, støtteapparat, trenar og spelargruppa vere sitt ansvar bevist.

Klubben må arbeide hardare for å trekkje inn sponsormidlar, samt jobbe med den evige utfordringa her i Sogndal, baneleiga. Vidare er vel klubben komen so langt no at det snart vil vere aktuelt å ansette ein person eller personar for å ta drifta.

Vidare må Fjøra Fotballklubb også for alvor byrje å tenkje på å danne seg eit rekrutteringslag. Slik spelarmarknaden er vorten her i bygda etter at andre klubbar utvidar med fleira lag innan sin eigen klubb er det klart at Fjøra FK må engasjere seg sterkare i nærmiljøet.

Til slutt står det at å takke alle som med Fjøra Fotballklubb, både sponsorar og andre som er med å støttar opp. Utan ein slik støtte i lokalsamfunnet hadde det ikkje våre mogleg for Fjøra FK å fortsette.

Sogndal 03.02.2000

Fjøra Fotballklubb
Styret

Arne Emil Wathne