ÅRSMELDING 2001

Årsmelding Fjøra Fotballklubb.

 For perioden 1/1-2001 til 31/12-2001

Valnemd:
Klubben har ikkje hatt valnemd i 2001 då styret sjølv har teke dette. Klubben har hatt hjelp av Kai Henning Slinde og Vidar Fardal.

Møte/tilstellingar/dugnadsarbeid:
Fjøra Fotballklubb har avikla 12 styremøte i perioden. Her har styret, spelarrepresentantar, trenar, oppmann, sportsleg leiar og støtteapparat hatt møterett. Styret har på desse møta handsama over 52 saker. Fleirtalet av desse sakene har konsentrert seg om klubbens økonomi og dermed generell drift av klubben.

Vidare har Fjøra FK avvikla spelarmøter og hatt spelarsamlingar på Dolly Dimple’s, og tradisjon tru, ein tur på Hyllsete med ulike aktivitetar. Årsavslutning for styret og støtteapparat vart gjennomført i januar 2002.  

Årets fotballfest var på Quality Hotel Sogndal der me hadde nærmare 80 gjester.

Av større inntektsbringande arbeid i perioden har Fjøra FK hatt si eiga kampavis, sal av Fjørakontraktar, sponsorinntekter og inntektar på ulike dugnader som til dømes, scenebygging, arbeid med golv i Storhallen, dømming under Sognefjord Cup og revy i kulturhuset.

Medlemstal:
Fjøra FK er framleis ein svært liten klubb med eit medlemstal som knapt passerar 30, noko som har vore stabilt for klubben over fleire år.

Utdanning/Representasjon: Fjøra FK hadde det ein må kalle eit stille år på denne fronten. Leiar, nestleiar og trenar tok del på miljøhelg i regi av SFFK på Quality Hotel Sogndal. Vidare tok Frank Haukereid del i oppmannsmøte og lagleiar møte før sesongstart.

Sesongen 2001:
Treningstilhøve var i perioden svært gode, Sognahallen vart brukt gjennom heile sesongen, også til gjennomføring av kampar. I år har og klubben nytta Sognahallen til trening i løpet av sommaren. Dette for å lette på tidsbruk og reising til og frå trening. Noko som har fungert bra og som kan koma til å verte nytta også i framtida. Utanom dette vart grastreningar gjennomført på Hafslo.

Sesongen 2001 var for Fjøra FK ei posetiv oppleving. Klubben låg lenge øverst på tabellen og opprykk var ei realistisk målsetting gjennom sesongen. No enda Fjøra FK på tredje plass i årets 3. divisjon etter tap borte mot Stryn i siste seriekamp. Likevell fekk me ein viss oppreising for tapet med å slå Stryn borte i finalen i Firda Avis Cup’en. Sesongen starta bra for Fjøra FK der ein kom til finalen i vinterserien. (Kampen enda med tap mot Stryn). Før sesongen tok til for fullt spelte Fjøra FK fleire treningskampar med noko ujamne resultat. Men at Fjøra FK stod godt rusta til sesongen fekk ein stadfesta då laget gjekk 5 kampar i byrjinga av sesongen utan poengtap. 

Første tapet i serien kom mot Stryn. Men FFK reiste seg og fortsette ein god sesong. Fjøra FK enda med 14 seier, 5 uavgjort og 3 tap i 3. divisjon 2001. Vidare vart det tap for Sandane i kvalifiseringa til NM. Og til slutt enda altso FFK som vinnar av Firda Avis Cup.

Årsfesten:
På FjøraFesten laurdag 10/11-01 fekk følgjande personar overrekt ei helsing frå FFK:

Blomster til damene i kiosken (dei flottaste kioskdamene i S&Fj.); Anita Foss, Renate Kvåle, Tove Ø. Slinde, Hilde Ølnes, Siw Vatlestad, Annveig Foss
Blomster til trenar Leif Inge Fimreite
Blomster til hjelpetrenarar Kai Henning Slinde og Dag Martin Fardal

 50 kampar, krystallvase, Terje Kvam, Terje Espeland, Daniel Kvåle
100 kampar, krystllvase, Morten Hagen, Geir Inge Heggestad
150 kampar, krystallvase, Helge Jostein Follevåg
250 kampar, krystallkarafell, Einar Kvam
300 kampar, krystallvase, Jan Rune Årøy

Årets toppscorar, statuett, Einar Kvam (31 mål)
Årets spelar, statuett, Endre Navarsete

Bent Sjøthun og Grunde Høgi fekk kvar sin kystallvase for god innsats gjennom sesongen.

Vidare fekk Bent eit innramma lagbilete, og ein sjekk, frå spelargruppa. Og heilt til slutt ei lita helsing frå FFK i annledning 30 års dagen.

For tredje gong på rad vart året avslutta med revy i Sogndal Kulturhus. Og enda ein gong enda da i suksess. Nytt av året var at ein denne gongen ville køyre to forstilingar på ein og same dag. Billettane vart utselt med ein gong dei vart lagt ut for salg, og tilbakemeldingar frå personar i nærmiljøet og Sogndal ellers har vore udelt posetive. Då ser ein sjølvsagt vekk frå Sogn Avis.

Etter revyen hadde ein i samarbeid med Quality Sogndal Hotel opna hotellet og ein fortsette festen der.

Fjøra FK ønskjer med dette å takke alle som bidrog til revysukssen.  

Også i 2001 har Fjøra FK utmerka seg på internett. Her er framleis Jan Fuglesteg redaktør. Og alle som har besøkt sidene våre veit at det arbeidet han gjer held høg klasse. Og internett sidene fekk i ei kåring i 2001 9. plass for fotballklubber her i landet.

Økonomi:
2001 var godt  økonomisk år for Fjøra FK. Rekneskapen syner eit driftsoverskot på kr 53450,-, sjå vedlagt rekneskap. Samtidig med dette har klubben ein posetiv eigenkapital i bank. Sjå vedlagt rekneskap.

Av inntekter er det verdt å merke seg at revyen spelar ein stor rolle i det svært so posetive resultatet i år. Og det tyder vel på at klubben må jobbe meir aktivt for ta inn dei postane ein sett opp i budsjettet ved årsstart.

Likevel er det på kostnadssida klubben har hatt størst endringar i tilhøve til kva som var budsjettert.

No vil ein ta gjennomgang av dette på årsmøte, men at ein ved årsslutt ligg over 50 000,- under budsjettet er over all forventning.

Fjøra FK søkte ikkje om kulturmidlar frå Sogndal Kommune i 2001.

Avslutting/Oppgåver i året som kjem:
Når ein gjer opp status for 2001 må ein sei seg nøgd med året som har gått. Klubben har nok ein gong synt at ein er etablert blandt dei beste i Sogn og Fjordane. Sportsleg var opprykk målet. At ein no må ta ein ny sesong i tredje divisjon bør ikkje vera til hinder for FFK. Me har hatt utskifting av trenarar og spelarar før siste sesongen, Og me som alle andre må, og bør, bruke tid på å få set saman ei ny og meir slagkraftig utgåve av FFK.

Økonomi er og ein viktig del av Fjøra FK. I sesongen 2001 velde ein å prioritera på andre måtar enn ein har gjort tidlegare. Og då spesielt med tanke på dugnadsarbeid. Klubben har i årets sesong ikkje brukt so mykje tid som tidlegare på dugnadar.

Dette for å spare klubbens medlemmer, som dei siste åra har jobba hardt for å skaffe klubben midlar til drift. Vidare baserte ein seg også på at revyen ville gje avkastning til klubben.

Framleis er ei av utfordringane i FFK at ein har ein liten organisasjon.

Posetivt med tanke på besluttningar og samhald. Negativt med tanke på arbeidsfordeling. Dette har og medført at FFK har gått vidare frå det som var sagt i fjor og har no for sesongen 2002 ansatt Bent Sjøthun, ein dag i veka fram til juni, for å ta seg av daglege oppgåve i klubben, i samarbeid med styret. Hovudtanken er at han då skal bruke tida på sponsorar, FFK avisa og FFK Kontraktar. Vidare vil han også fortsette med sine oppgåver som Sportsleg Leiar. Ein vil bruke året for å sjå om dette er noko klubben kan utvikle og gå vidare med.

Fjøra FK står nok ein gong framfor nye utfordringar i sesongen 2002. Leiv Inge Fimreite har fått med seg Per Barsnes i trenargruppa. Klubben har mista fleire sentrale spelarar og ein har vel fortsett litt av det generasjonsskifte ein starta på i fjor. Vidare har FFK for sesongen 2002 inngått eit samarbeid med Norane slik at me har eit alternativ til alle spelarane i FFK. Men også med tanke på å hjelpe Norane i ein vanskeleg situasjon med tanke på spelarar.

Når det gjeld målsetting for sesongen so bør klubben fortsette å utvikle målsettinga frå 2001. Halde kontroll slik at ein får ein posetiv økonomi og ikkje minst forsette for å stabilisere laget i toppen av tredje divisjon og saman utvikle leiinga, trenar og støtteappratet, og ikkje minst spelarane. Slik skal Fjøra FK framstår som eit godt, eller det beste, alternativet til unge fotballspelarar i Sogndal.

Til slutt står det at å takke alle som tek i eit tak for med Fjøra Fotballklubb, både sponsorar og andre som er med å støttar opp.

Utan ein slik støtte i lokalsamfunnet hadde det ikkje våre mogleg for Fjøra FK å fortsette.

Sogndal 20.02.2002

Fjøra Fotballklubb

Styret

Arne Emil Wathne