ÅRSMELDING 2002

Styret:         Leiar:                     Frank Haukereid (på val)
                   Nestleiar:               Jan Rune Årøy (på val)
                   Kasserar:               Jan Rune Årøy (på val)
                   Styremedlem:         Terje Kvåle (på val)
                                                Arne Emil Wathne (ikkje på val)
                                                Tom Wolff Navarsete (på val)
                                                Yngve Håkonsen (på val)
                                                Odd Einar Fimreite (ikkje på val)
                                                Frode Hågvar (ikkje på val)

Spelarrepresentantar i Styret:      Daniel Kvåle og Endre Navarsete.

Dagleg Leiar:         Bent Sjøthun
Trenar:                  Leiv Inge Fimreite
Hjelpetrenar:          Per Barsnes
Sportsleg Leiar:     Bent Sjøthun
Oppmann:            Bent Sjøthun
Kampansvarleg:     Bent Sjøthun
Støtteapparat:        Inge Sundsøy, Arnt Årøy, Grunde Høgi.

Valnemd: Klubben har ikkje hatt valnemd i 2002 då styret sjølv har teke dette.

Møte/tilstelningar/dugnadsarbeid:
Fjøra Fotballklubb har avvikla 12 styremøter i perioden. Her har styret, trenar, oppmann og sportsleg leiar hatt møterett. Styret har på desse møta handsama 57 saker. Mesteparten av sakene går på drift av klubben.

Fjøra FK har hatt spelarmøter og har avvikla spelarsamlingar på Dolly Dimple’s og tur til Hylsete med ulike aktivitetar.

Årets fotballfest vart gjennomført på Quality Hotell Sogndal i November der me hadde nesten 70 gjester.

Av større inntektsbringande arbeid i perioden har Fjøra FK hatt si eiga kampavis, sal av Fjørakontraktar, sponsorinntekter og inntekter på ulike dugnadar som Scenebygging, golvleggjing i storhallen, flaskesortering på Lerum, dømming under Sognefjord cup og revy i kulturhuset.

Fjøra FK stilte mange personar til opptak av filmen ”Tunheim the movie” som kjent vart ein stor suksess.

Medlemstal:
Fjøra FK er framleis ein svært liten klubb med eit medlemstal som knapt passerar 30 medlemmar, noko som har vore stabilt for klubben i fleire år.

Utdanning/representasjon:
Fjøra FK hadde ingen medlemmar på kurs eller på andre representasjonar i perioden.

Sesongen 2002:
Treningstilhøva var i perioden svært gode, Sognahallen vart brukt gjennom heile sesongen, også til gjennomføring av kampar. I år har og klubben nytta Sognahallen til trening i løpet av sommaren. Dette for å lette på tidsbruk og reising til og frå trening. Dette har fungert svært bra og kan komma til å bli nytta også i framtida. Utanom dette vert grastreningar gjennomført på Hafslo.

Sesongen 2002 var ein heller dårleg sesong for Fjøra FK. Me vart liggjande midt på tabellen gjennom heile sesongen og enda til slutt på ein 7 plass. Me vart slegne ut av Firda Avis Cup’en tidleg i turneringa borte mot Kaupanger. Fjøra FK deltok i perioden ikkje i vinterserien. Mest positivt å nevna er at Fjøra FK gjekk vidare til 1. runde i NM der me tok i mot SK Brann på Sogndal Stadion og sette publikumsrekord med godt over 500 tilskodarar. Her fekk me i tillegg god dekning i radio og fjernsyn.

Fjøra FK enda sesongen med 10 seier, 2 uavgjort og 10 tap i årets 3 divisjon.

Årsfesten:
På Fjørafesten laurdag 09/11-02 fekk følgjande personar overrekt ei helsing frå FFK:

Blomster til damene i kiosken:             Anita Foss
                                                   Renate Kvåle       
                                                   Tove Ølnes
                                                   Siv Vatlestad
                                                   Hilde Ølnes

Krystallvase og blomster til trenar Leiv Inge Fimreite.
Krystallvase og blomster til hjelpetrenar Per Barsnes.

50 kampar og krystallvase, Tommy Hovland
50 kampar og krystallvase, TorbjørnYlvisåker
200 kampar og krystallvase, Kai Henning Slinde

Årets toppscorar, statuett, Arild Underdal
Årets spelar, statuett, Arild Underdal

Bent Sjøthun og Grunde Høgi fekk kvar sin krystallvase for god innsats gjennom heile sesongen.

For fjerde året på rad vart Fjørarevyen framført i Sogndal Kulturhus med stor suksess nok ein gong. To forestillingar på ein kveld og billettane til revyen vart rivne vekk på under to timar. Tilbakemeldingar frå folk er veldig positive. Etter revyen samlast alle til fest på Quality Sogndal Hotell som opna dørene i samarbeid med FFK.

Fjøra FK ynskjer med dette å takke alle som bidrog til suksessen med revyen.

Også i 2002 har FjøraFK utmerka seg på internett. Her er framleis Jan Fuglesteg redaktør. Dei som har besøkt sidene våre på internet veit at det arbeidet som vert gjort der held høg klasse. Internettsidene våre vart kåra til tiende beste internettside i landet i 2002.

I September 2002 starta FjøraFK ei fotballturnering i Sognahallen for å benytta ledig leigetid i hallen. Turneringen vart kalla Kjempenes Liga og me fekk 24 lag frå heile Indre Sogn til å delta. Innleiande rundar vart spelt i 2002 og me har fått veldig mange gode

tilbakemeldingar på turneringa. Det vart i tillegg oppretta ei eiga link på heimesida der all informasjon om turneringa vart lagt ut.

Økonomi:
Rekneskapen for 2002 syner eit årsunderskot på kr. 86.637, sjå vedlagt rekneskap. Samtidig med dette har klubben ein positiv eigenkapital med kr. 87.519. Sjå vedlagt rekneskap.

FFK fekk tildelt kr 2000,- i kulturmidlar frå Sogndal kommune i 2002.

Avslutning/oppgåver i året som kjem:
Året 2002 vart ikkje eit godt år for FjøraFK verken økonomisk eller sportsleg. Me vart som nemnt tidligare liggjande langt nede på tabellen gjennom nesten heile sesongen, men dette er noko klubben kan bli styrka av framføre neste sesong.

Økonomi er ein viktig del av FjøraFK. I sesongen 2002 har ein valgt å bruka mindre tid på dugnadar. Dette er vorte gjort for å spare klubbens medlemmar og klubben har basert seg på at revyen vil gje meir i avkastning.

Framleis er ei av utfordringane i FjøraFK at ein har ein liten organisasjon. Dette er positivt med tanke på beslutningar og samhald. Negativt med tanke på arbeidsfordeling. Dette var noko av grunnen til FjøraFK hadde Bent Sjøthun ansatt i eit engasjement i klubben ein dag i veka fram til og med Juli månad. Dette vart gjort for at ein person kunne ta seg av daglege oppgåver i klubben, i samarbeid med styret. I tillegg tok han seg av sponsorar, FFK avisa og FFK kontraktar. Han var i tillegg til dette sportsleg leiar heile året.

FjøraFK har framfor sesongen ansatt Nils-Tore Krosshaug som trenar, dette har medført at FjøraFK har styrka stallen betrakteleg framfør årets sesong, og målet er å liggja blant dei 4-5 beste i årets 3 div. FjøraFK har i sesongen fortsatt å samarbeide med Norane. Dette gjer at FjøraFK har eit alternativ til alle spelarane.

Når det gjeld målsettinga for sesongen 2003 so bør klubben forsette den fine utviklinga som dei allerede har fått i år. Den største utfordinga vert å halda kontroll på økonomien, men å stabilisere laget på toppen i 3 div og saman utvikle leiinga, trenar og støtteapparat, og ikkje minst spelarane er eit mål alle i klubben skal ha. Slik skal FjøraFK framstå som eit godt , eller det beste alternativet til unge fotballspelarar i sogndal.

Til slutt gjenstår å takke alle som tek eit tak for Føra Fotballklubb, både sponsorar og andre som er med og støttar opp. Utan ein slik støtte i lokalsamfunnet hadde det ikkje vore mogeleg for FjøraFK å fortsetje.

Sogndal 26.02.2003
Fjøra Fotballklubb
Styret
Frank Haukereid