ÅRSMELDING 2006
[PDF-versjon]

Anna: Klubben har ikkje hatt valnemnd, styret har handtert denne oppgåva sjølv. Det har i 2006 ikkje vore valt spelarrepresentantar til styret.

FOTBALLSESONGEN 2006:

TABELL 3. DIVISJON AVD. 16 - 2006

Stryn greidde ikkje å kvalifisere seg til 2. divisjon etter 1-1 heime og 0-0 borte mot Lillehammer. Skavøypoll, Selje og Sandane rykte ned til 4. divisjon.

Det var vel ingen stor overrasking at dei 3 første plassane på tabellen gjekk til Stryn, Sogndal 2 og Førde. Dei  kloke hovuda i Fjøra lupao tippa Fjøra på 6. plass, medan fasiten altså viser at vi enda på 5. plass bak dei 3 ovannemnde og TMFK.

Vi tapte begge kampane mot tabell trear Førde og mot Dale som til slutt enda på 8. plass…

Elles vart det ein uavgjort og eitt tap mot Stryn, medan kampane mot SIL 2 og TMFK enda med ein siger og eitt tap til kvart av laga.

Største heimesiger:            5-0 mot Sogndal 2
Største heimetap:              3-5 mot Stryn
Største bortesiger:             3-0 mot Sandane
Største bortetap:               0-6 mot TMFK

STYRET / ARRANGEMENT / AKTIVITETAR:

Styret har i 2006 fokusert på oppfølging og vidareføring av dei arrangementa som har vore sentrale for drifta av FFK dei siste åra:

• Sal av "Fjørakontrakt"

• Fjøraposten

• Dugnad i form av grilling / dømming under Sognefjord cup

• Kjempenes Liga

• Fjørarevyen

I tillegg har vi hatt dugnadar med flytting av likningskontor og diverse andre oppdrag for sponsorar. 

Webside:
Våre websider www.fjora.no har i ei årrekkje vore blant dei aller beste i landet og aldri har besøket vore så stort som i 2006. Fjøra sidene har alle dei siste 6 åra vore inne blant dei 10 beste i www.fotballen.eu  si kåring av dei beste nettsidene. I kåringa for 2006 vart det ein svært sterk 5. plass. Berre 1 tippeligaklubb hadde betre score enn Fjøra.

Fotballfest:
Under årets fotballfest på Sogndal Hotell vart følgjande spelarar heidra:

Årets spelar:           Frode Kvåle
Årets toppscorar:     Frode Kvåle
50 kampar:             Ole Petter Hatlevoll

I tillegg vart det gjort litt ekstra stas på nokre av dei som har lagt ned størst innsats for klubben dei siste åra: Jan Rune Årøy, Jan Fuglesteg, Bent Sjøthun og Terje Kvåle.

UTSIKTENE FRAMOVER:

Sportsleg:
Trenarteamet med Jan Rune Årøy og Knut Almås held fram i 2007 sesongen. Sportsleg leiar Bent Sjøthun har bedt om avløysing og arbeidsoppgåvene han har utført dei siste åra vil i komande sesong bli delt mellom fleire, men først og fremst til trenarteamet. 

Meir eller mindre alle spelarane frå 2006 sesongen held fram. Nedanfor følgjer dei mest vesentlege endringane i spelarstallen i etterkant av 2006 sesongen:

Tilgang
Erling Ola Fykse, IL Høyang
Mads Andre Therkelsen, SIL 2
Trond Eirik Feet, Rosendal IL
Terje Flugheim, Årdal FK
Arild Underdal, Årdal FK (attende frå utleige)

Avgang
Tore Madsen, Sogndal 3
Johnny Gunnufsen, Mandal IF
Tore Gjerdalen, lagt opp
Eldar Myren, lagt opp
Even Rømo, Sogndal 3
Magnus Breilid, lagt opp
Øystein Eriksen, flytta fra Sogndal

Sportsleg sett står klubben godt rusta framfor 2007 sesongen. Spesielt gledeleg er det at stammen i laget i stor grad består av spelarar frå vårt primærområde, dvs Sogndal, Leikanger og Luster.

Treningsfelt:
Styret har forlenga leigeavtalen med grunneigar Annstein Skjeldestad, og har gjennom 2006 gjort ein stor innsats med vedlikehald og oppgradering av treningsfeltet Annstein Ground. Treningsfeltet har ein viktig funksjon for å redusere ”slitasje” med mange treningar på Hafslo gjennom sesongen, og vi satsar på fortsett drift av treningsbana i åra framover.

Økonomi:
Fjøra har kontinuitet i styret og ein sunn økonomi som basert på ”stabile” gode inntekter frå innarbeidde aktivitetar, god kostnadskontroll og nøktern drift. Sjå elles vedlagde rekneskap.

Avslutning:
Fjøra smykkar seg gjerne med uttrykket verdas minste fotballklubb. Medlemstalet er lite, men vi har godt renommé i Sogndal og mykje goodwill i Sogndal både blant privatpersonar og i næringslivet. Vi takkar alle som er med og støttar oss, utan solid støtte i lokalsamfunnet hadde det ikkje vore mogleg for Fjøra FK å drive vidare.   

Sogndal 01.02.2007
Fjøra Fotballklubb 

___________________________________________
Einar Kvam
Leiar