BØTTA ER KOMEN HEIM
Laurdag 25. november 2005

Haugen Power vann tidlegare i dag Kjempenes Liga 2005. Turneringssigeren var fullt ut fortent, og i finalen hadde Leite Mix i røynda ikkje noko å stilla i mot det velsmurde maskineriet til HP.

Haugen gjekk gjennom turneringa utan å gi vekk eit einaste poeng. 12 poeng og 10-2 i målskilnad var fasiten etter gruppespelet. I sluttspelet rauk laga Lerum BF, DDR og Leite Max ut for HP-overmakta.

Toppscorar for dei krye meistrane vart Per Ole Tenden også kjent som Peos med sine 6 mål. Med det delte han også 2. plassen på årets toppscorarliste med Leite Mix sin Bård Dyrkolbotn.

Årets toppscorar vart Vidar Sanden med 13 mål. Ingen over, ingen ved sida. Sanden tronar no mutters åleine med sine 29 pinnar i KL-samanheng. Det er 5 mål meir enn Einar Kvam.

No vert det sikkert feiring utan sidestykkje gjennom Sogndals gater i open bil. Dom Pernion kjem til å fylla bøtta på turen. Me reknar med å koma attende med ein kommentar frå vinnarane seinare, men no lyt dei få feira litt.

Me trur det er mange som unnar HP sigeren, etter å ha gått på ein del stygge blemmer i tidlegare turneringar. Dette laget vert nok også å rekna med neste år.

Kjem til å opppdatere sidene med omsyn til statistikk og lagsider etter kvart, men no er eg berre så jævla leie og sliten.

Me gratulerer årets vinnar:

HAUGEN POWER!!!