Treningsleiren vil bli gjennomført i perioden 31. mars – 7. april 2009 og Fjøra vert truleg innkvartert i det same 4-stjerners hotellet som i fjor. Treningsleirperioden er i veka før påske, motsett av det som var tilfelle i fjor.

Erfaringen frå i fjor var strålande og me kan utan tvil hevda at den treningsleiren er den beste me har hatt i Fjøra dei siste åra. Banetilhøva, transporten til og frå hotell / treningsfelt var upåklageleg, buforhalda, maten og fasilitetane ved hotellet var optimale for gjennomføring av ein treningsleir. Når ein i tillegg får glitrande oppfølgjing av selskapet som me hadde bestilt treningsleiren gjennom så vart dette til eit særs hyggeleg opphald.

I tillegg ynskjer me å trekke fram det gode kamptilbodet under opphaldet. Det er ei rekkje lag frå Superettan som tek turen og kanskje er det det også i år. Då er det moglegheit til å få møta reservane ispedd A-spelarar, og dermed få kanonmotstand.

Ein del av dei Superettanlaga uttalte i fjor at dei heller ville til Agia Napa sidan banene der var betre enn dei dei tidlegare hadde opplevd på La Manga. Og det lyt me vera samde i for betre baner enn det Fjøra vart serverte i fjor er knapt å oppdrive.