Foto: Bjarte Stedje Trygve Jakobsen, den kjente kartlesaren frå Fjøralupao 2004, er klar for nye eventyr. Her poserer han saman med ein stolt eigar.

Etter medieblesten som var rundt han på forsommaren i 2004 der han knaft fekk vera i fred for både 2- og 4-beinte, var det som at han Trygve var som sokken i ei hengemyr på utmarksbeite. Me lurte sågar på om han hadde hamna på Slaktehuset og enda opp som Sognamorr. Men nei, han Trygve hadde berre trekt seg litt attende for å leva eit stille og roleg liv som avlsver.

Når me på beste Tore-på-sporet-vis bestemte oss for å sjå om me kunne finna han Trygve, fann me han ironisk nok på finn.no.

Det var gledeleg å sjå at han Trygve var i live, sjølv om han hadde endra seg ein del både i andletet og på føtedn sidan han som ung og viril ver turnerte trivselsfylket i 2004. Samstundes var det og litt trist å sjå at han var til salgs for berre 3.000 kroner.

Underteikna har vore i kontakt med leiinga i Fjøra om ikkje klubben kan kjøpa han Trygve og nytta han som graskløppar på Annstein Ground. Fjøra lyt uansett kjøpa ny graskløppar så kvifor ikkje. Det ville jo han vore ein miljøvenleg kløppar også.

Me vil halda lesarane oppdatert i vidare utviklinga i saka.

SISTE NYTT: Me har fått inn litt tilleggsinformasjon frå eigar om at han Trygve sleit seg ein gong i fjor sommar og at han vart funnen att uppe på AG. Muleg han var oppe å sjekka forholdi, eller jedda det var rett og slett for å sleppa fri brekinga frå alle dei 4-beinte damedn inne på Nes. Det er veren sin det, melder ein hur stolt som helst eigar.

De har sikkert sett det gjort med kjendisar i Dagbladet (eller er det i VG) at dei med små endringar liknar andre og like kjente. Vel, me må jo kunne seie at han Trygve er litt av ein kjendis vorten og me har fått inn denne av ein anonym person.
 

Trygve frå hippietida	Trygve-Ivar	Ivar, Trygve sin ukjente tremenning innaotte Lambhaug.

Annonsa på finn.no