Fjøraposten 2025 kom denne veka i postkassane til dei fleste i Sogndal, her kan du og lesa den i webversjon

Fjøraposten 2025

Her er kampoppsettet til Kjempenes Liga 15-16.november

Kampoppsett til Kjempenes Liga

Me tek i mot påmeldingar til årets Kjempenes Liga frå no og fram til 5.november

Kjempenes Liga 2023 vert arrangert helga 15-16.november. Påmelding til kjempenesliga@gmail.com der du oppgir lagnavn, navn på kontaktperson, epost og telefonnummer, samt herre eller dameklasse. Du skal få bekrefting i retur på at laget ditt er påmeldt. Siste frist for påmelding er 5.november kl 20!

For tilreisande lag som ønsker å spela innleiande kampar laurdag eller lag som føretrekk fredag prøver me så langt det er muleg å legge til rette for det, dette MÅ oppgis samtidig med påmelding!

Ver obs på at det i denne turneringa er begrensingar på antall aktive. Ein vert rekna som aktiv/lisens dersom ein i kalenderåret har starta seriekamp i 3.div eller høgare for herrer og 2.div eller høgare for damer. I tillegg vert ein rekna som aktiv/lisens viss ein har starta MEIR ENN 1 kamp i 4.div herrer. Frå det året ein fyller 35 år er ein uansett ikkje å rekna som aktiv/lisens. Maks 2 aktive/lisens i kvar tropp og maks 1 aktiv/lisens på bana om gangen.

NB! Sidan Studentspretten sine kampar i 4.div vart kansellert vil ikkje desse kampane telja med i lisensreglementet

Påmeldingsavgift 2000 kr må betalast seinast 5.nov til konto 3705.14.67834 (merk betaling med lagnamn). Det vil vera kiosk med godt utval midt på langsida på tribuna

Velkommen til turnering og ikkje minst ein sosial kveld på "byn" i Sogndal etterpå. Det vert som vanleg Kjempenes Liga - fest på Soho laurdag kveld, forhåndssal av billettar både til SOHO og Eppel Bar frå medio oktober, meir informasjon om dette på Fjøra si facebookside

Sjå også turneringsreglementet og set dykk godt inn i dette, 6 mot 6 inklusive keeper på bana. Me nyttar innspark isf innkast og ellers viktig å merke seg sklitakling forbudt

Påmelding til Kjempenes Liga 15-16.nov 2024

Fjøraposten 2024 har fokus på at det er 50 år sidan klubben vart stifta, i 1974. Heile 80 sider med historikk, bilder, statistikk og sjølvsagt litt visste du at... Får du ikkje magasinet i postkassa, for eksempel om du ikkje bur i Sogndal, kan du lesa det her

Fjøraposten 2024

Her kjem kampoppsettet til KL 2023. Bane 1 er nærast tribuna

Kampoppsett Kjempenes Liga

Samle din vennegjeng og meld på lag til haustens høgdepunkt innan 2.november kl 20

Kjempenes Liga 2023 vert arrangert helga 10-11.november. Påmelding til Malin Kristoffersen på malin1991@hotmail.no der du oppgir lagnavn, navn på kontaktperson, epost og telefonnummer, samt herre eller dameklasse. Du skal få bekrefting i retur på at laget ditt er påmeldt. Siste frist for påmelding er 2.november kl 20!

Ver obs på at det i denne turneringa er begrensingar på antall aktive. Ein vert rekna som aktiv/lisens dersom ein i kalenderåret har starta seriekamp i 3.div eller høgare for herrer og 2.div eller høgare for damer. I tillegg vert ein rekna som aktiv/lisens viss ein har starta MEIR ENN 1 kamp i 4.div herrer. Frå det året ein fyller 35 år er ein uansett ikkje å rekna som aktiv/lisens. Maks 2 aktive/lisens i kvar tropp og maks 1 aktiv/lisens på bana om gangen.

Påmeldingsavgift 2000 kr må betalast seinast 2.nov til konto 3705.14.67834 (merk betaling med lagnamn). Det vil vera kiosk med godt utval midt på langsida på tribuna

Velkommen til turnering og ikkje minst ein sosial kveld på "byn" i Sogndal etterpå. Det vert som vanleg Kjempenes Liga - fest på Soho laurdag kveld, forhåndssal av billettar både til SOHO og Eppel Bar frå medio oktober

Sjå også turneringsreglementet og set dykk godt inn i dette. Det blir spelt 6 mot 6 inklusive keeper. Me nyttar innspark isf innkast og ellers viktig å merke seg sklitakling forbudt

Påmelding Kjempenes Liga 2023 (10-11.nov)

Vår gode venn Geir Inge Heggestad og Sogndal Fotball har lånt oss sin ticketco-løysing så me får selt kampbillettar i forkant av kampen. 

Salget av billettar åpnar kl 17 i dag, følg linken og kjøp din billett på forhånd så slepp me billettkø. 

<a href="https://sogndalfotball.ticketco.events/no/nb/e/fjoera_brann">https://sogndalfotball.ticketco.events/no/nb/e/fjo...</a>

Bortesupporterar 100 kr Amfitribuna (bak mål)

Håpar de tek turen og lagar feststemning 1.juni!

Fjøra - Brann billettar

Har du ikkje fått tak i Fjøraposten i papirformat finn du den her i elektronisk format

Fjøraposten kom i postkassane i Sogndal denne veka, her finn du den også i digital utgåve!

Fjøraposten 2023

Er du klar for Kjempenes Liga nummer 20 i historien? 

Me arrangerer Kjempenes Liga i Sognahallen for 20. gang den 11-12.november 2022. Påmeldinga er no åpna og du kan melda på ditt lag ved å senda epost til Malin Kristoffersen på malin1991@hotmail.no der du oppgir lagnavn, navn på kontaktperson, epost og telefonnummer, samt herre eller dameklasse. De skal få bekrefting på at laget er påmeldt ved epost i retur og siste frist for påmelding er 2.november kl 21!

For tilreisande lag som ønsker å spela innleiande kampar laurdag prøver me så langt det er muleg å legge til rette for det, dette MÅ oppgis ved påmelding! Me har i utgangspunktet plass til 24 herrelag og 8 damelag men vil nok utvide dersom ny full gruppe slik som tidlegare.

Påmeldingsavgift 2000 kr må betalast seinast onsdag før turnering til konto 3705.14.67834 (merk betaling med lagnamn). Det vil vera kiosk med godt utval midt på langsida på tribuna

Velkommen til turnering og ikkje minst ein sosial kveld på "byn" i Sogndal etterpå. Det vert som vanleg Kjempenes Liga - fest på Soho laurdag kveld :)

Sjå også turneringsreglementet og set dykk godt inn i dette. Me gjekk over frå innkast til innspark i 2021 og ellers viktig å merke seg at sklitakling forbudt

Kjempenes Liga 2022

Dei fleste i Sogndal og Kaupanger har no fått Fjøraposten i sin postkasse. Har du ikkje fått den i hendene kan du lesa den i pdf her! Takk til alle våre gode og trufaste annonsørar som støttar oss år etter år :) 

Fjøraposten 2022

Etter eit ufrivillig friår er me endeleg tilbake

Kjempenes Liga 2021 vert arrangert helga 12-13.november. Påmelding frå i dag til Malin Kristoffersen på malin1991@hotmail.no der du oppgir lagnavn, navn på kontaktperson, epost og telefonnummer. Du skal få bekrefting på at laget ditt er påmeldt og siste frist for påmelding er 3.november kl 21!

For tilreisande lag som ønsker å spela innleiande kampar laurdag prøver me så langt det er muleg å legge til rette for det, dette MÅ oppgis ved påmelding! Damelaga spelar i utgangspunktet innleiande fredag men viss nok lag blir det også spelt innleiande for dei laurdag. Me har i utgangspunktet plass til 24 herrelag og 8 damelag men vil vurdere å utvide dersom ny full gruppe slik som tidlegare.

Ver obs på at det i denne turneringa er begrensingar på antall aktive. Ein vert rekna som aktiv/lisens dersom ein i kalenderåret har starta seriekamp i 3.div eller høgare for herrer og 2.div eller høgare for damer. I tillegg vert ein rekna som aktiv/lisens viss ein har starta MEIR ENN 1 kamp i 4.div herrer. Maks 2 aktive/lisens i kvar tropp og maks 1 aktiv/lisens på bana om gangen.

Velkommen til turnering og ikkje minst ein sosial kveld på Sogndal Hotell etterpå.

Sjå også turneringsreglementet og set dykk godt inn i dette. Nytt av året er at det vert innspark isf innkast. Ellers viktig å merke seg sklitakling forbudt

Påmelding Kjempenes Liga 2021

Denne veka kom Fjøraposten 2021 i postkassa til husstandar i Sogndal. Har du ikkje fått den eller bur du ikkje i Sogndal kan du lesa den i pdf her. Takk til alle annonsørar for god støtte i år igjen!!

Istadenfor å deppa over tapte poeng mot Lyn, klikk deg inn på lenken for Fjøraposten 2021 :) 

Fjøraposten 2021

Heimesida vår er blitt oppgradert til nyaste versjon men utover det har me ikkje så mykje å skriva om. Mulegens kjem det noko informasjon torsdag om planane framover, så me lever i håpet om at me snart kan komma i gang med kampar. Mest truleg må me uansett venta til over sommaren

Me trenar godt og trenarapparatet vårt gjer ein god jobb med å halda motivasjonen til spelarane oppe i påvente av gjenåpning.

Me vil framleis i hovudsak koma med oppdateringar på vår facebookside men no når me har fått ei meir brukarvennleg heimeside kan det også koma litt meir oppdateringar her

Nytt design på fjora.no

Det vart ikkje nokon obligatoriske kampar på oss i 2020, men me håpar og trur at det blir meir aktivitet i året som kjem

Nytt år nye moglegheiter seier dei og sjeldan har vel dette passa bedre enn etter heile 2020-sesongen vart avblåst. Mange var oppgitt over at me ikkje fekk spela fotballkampar i 2020 men me er trass alt heldige som bur i det landet me gjer og har gode støtteordningar både innanfor idrett/kultur og i samfunnet ellers. 2020 har nok lært oss å setja meir pris på mykje me tidlegare har teke for gitt.

Me har nytt trenarteam i 2021 der Håvard Øygarden er sjef og har med seg Aleksander Belland Eriksen og Henrik Furebotn som assistentar og Leif Lysne som keepertrenar. Eit team me har fått veldig gode tilbakemeldingar på etter det vart annonsert. Knut Idar Kristoffersen er sportsleg leiar og matris og har fått med seg Alexander Flatane som assistentmatris. Per Barsnes er framleis stødig oppmann.

Styret vårt er det same som tidlegare med Tom Wolff Navarsete som går på sitt trettande år som leiar, Kåre Selseng nestleiar og Ida Loftesnes Kvåle, Rut Loftesnes og Malin Kristoffersen som styremedlemer. Torbjørn Ylvisåker har ansvar for budsjett, økonomi og sponsorar og i tillegg har me mange andre medhjelparar i for eksempel Jan Arild Jakobsen, Dag Martin Fardal, Bent Sjøthun for å nemna nokon.

Me har planlagt nokre treningskampar i februar/mars men om dette blir noko av er veldig usikkert akkurat no. Me kan drøyma om kampar i februar medan me kanskje kan håpa på noko utover i mars. Likevel er me heldige då tredjedivisjon og opp får lov å trena med kontakt.

Spelarstallen vår er framleis solid. Erlend Grov og Stian Barane har reist medan nokre nye fjes er komne inn. Steffen Olsen er langtidsskada medan Pål Gundegjerde er indisponibel på våren grunna studiar. Thomas Ness er i tenkeboksen med ein litt kranglete kropp og det har vore dialog med andre lokale klubbar om eit par utlånsavtalar.

Me gler oss til 2021 og den som ventar på noko godt ventar jo sjeldan forgjeves

Godt nytt år frå alle oss i Fjøra Fotballklubb!

Godt nyttår frå Fjøra Fotballklubb!

Kampoppsettet er klart for neste helgs turnering, 28 herrelag og 9 damelag. Me gler oss!

Ver obs på begrensing i antall aktive spelarar. Har du starta kamp i 4.div eller høgare for herrer, og 2.div eller høgare for damer vert du rekna som aktiv. Maks ein aktiv på bana i gangen, maks to aktive pr tropp. Set dykk ellers godt inn i turneringsreglementet under Kjempenes Liga-menyen over. Turneringsavgifta på kr 2000 skal betalast enten innan onsdag 6.november til konto 3705 14 67834 eller kontant seinast 15 minutt før ditt lags første kamp.

Vinnarane får fri inngang på Soho samt gavekort på pizza. Og sjølvsagt pokal! Dørene på Soho åpnar klokka 22, billettar er å få kjøpt i døra frå same tidspunkt, ver tidleg ute! Lag som reiser og et på ein av hotellet sine restaurantar, vil få gratis inngang på Soho, be om stempel i restauranten.

Det er kiosk midt på tribuna med godt utvalg og kjekke kioskdamer, betaling kontant eller med vipps

Velkommen til Sognahallen og turnering, me gler oss til å sjå deg!!!

Kampoppsett og informasjon Kjempenes Liga 2019

Onsdag om to veker spelar me den første kampen som tel i år, borte mot Kaupanger i cupen

Foto: Endre Romøren/Sogn Avis

Me har fått innspel på at aktiviteten på fjora.no bør opp litt og det er vanskeleg å vera veldig ueinig i det når siste sak er frå Kjempenes Liga..:) Men me har valgt å flytta det meste av nyheiter og referat til vår facebookside "Fjøra Fotballklubb" då dette er mindre tidkrevjande og gjer det lettare for fleire å oppdatere både før og etter kamp. Me tenkte likevel det var på sin plass med ein liten oppdatering her også:

Me er godt i gang med oppkøyringa og fekk etter kvart på plass eit veldig godt trenarteam med eit lass av erfaring både som spelarar og trenarar. Hovudtrenar Jens-Ivar Nilsen har med seg Knut Almås to ganger i veka og Kjell Ertesvåg ein til to ganger i veka i tillegg til at Knut Idar Kristoffersen er mykje involvert i si rolle som sportsleg leiar. Vidar Walsvik har ansvar for keeprane våre så alt er godt tilrettelagt no når alvoret snart startar. Me skal heller ikkje gløyma dugnadsgjengen ellers i klubben som legg ned mykje arbeid. Takk også til Sogndal som lar oss få spela våre heimekampar i storstova på Campus også i år, kjekt!

Nye spelarar i stallen er Simen Stølen og Svenn Ove Gjøringbø frå Førde og Kristian Berg frå SIL2. I tillegg er Ole Marius Solberg med og trenar litt forsiktig så vil tida visa om han etterkvart vert aktuell for kamp også. Stallen i sin heilhet finn du under, den tel pr i dag 21/22 mann og alle er eitt år bedre enn dei var på same tid i fjor, det lovar bra&nbsp;:)

Me har hatt tre fotballtreningar i veka sidan januar pluss ei ressursøkt i samarbeid med Spenst Idrettssenteret. Dette har fungert veldig bra og me har ikkje hatt like mykje skadar hittil som me har hatt dei to foregåande åra i oppkøyringa, viktig ta med seg. Fem treningskampar har det også blitt. Det vart seier i dei fire første, 3-1 mot Årdal, 2-1 mot SIL2, 5-0 mot Førde og 3-0 mot Eid før me tapte 2-1 mot Valdres i den femte. Me var fullt på høgde og bedre enn Valdres spelemessig men slapp oss litt nedpå siste 20 minuttane som gjorde at Valdres snudde kampen. Det me var mest misnøgd med i denne kampen var effektiviteten så det er noko ein vil jobba med framover, me må ta sjansane og vera meir kliniske framfor motstandaren sitt mål.

Laurdag 9.mars spelar me ny treningskamp, denne gang mot Fana på Voss. Eit godt lag som er tippa på øvre halvdel så her får me endå ein peikepinn på kvar me står. Neste kamp er 20.mars mot Kaupanger i første kvalikrunde i cupen før me den 26.mars reiser til Kypros på treningsleir. Der ventar to kampar mot gode lag, men motstandar framleis uvisst.

Me føler me er i rute og veit det vert harde kampar kvar helg i årets tredjedivisjon. Det er jo det som er kjekt, å måtte ta ut maks kvar helg for å sitta igjen med poeng så det gler me oss til. Dei fleste tippar oss langt nede på tabellen men me har vist før at me kan slå kven som helst.&nbsp;Så&nbsp;får me telja opp i oktober om me har henta nok poeng til å berga plassen eller ikkje.

Spelarane og me andre har siste par månadene vore rundt og selt både Fjørakontraktar og annonser til Fjøraposten og møter som vanleg stor velvilje i bygda, noko me veit å sette pris på. Me har også fått inn to nye sponsorar i Einarsen Eigedom og Solberg Autospa. I tillegg har AH Bygg&nbsp;auka si sponsing frå tidlegare.&nbsp;Takk til alle samarbeidspartnarar&nbsp;for støtta!

To veker til første obligatoriske kamp

30 herrelag og 9 damelag er klare til turneringa neste helg. Her er kampoppsettet og gruppene. Lykke til!

Me ber lagleiarar sette seg inn i kampreglementet og formidle dette, hugs også lisensbegrensinga. Mykje godsaker i kiosken og laurdag kveld vert det god steming på&nbsp;Sogndal hotell medan fredag treff ein nok ein del på puben. 2000kr betalast kontant i sekreteriat 15 minutt før ditt lags første kamp eller på konto 3705 14 67834 seinast kommande onsdag. Vinnarlaga vert tildelt pokal, gratis inngang på hotellet og gavekort på 3stk Dolly pizza.

Kampoppsett Kjempenes Liga 2018

Sesongen er over og 28 spelarar har vore på bana for oss i 2018. Svaret på kven som har flest mål, assist, kort, spelte minutt, kampar, treningar etc finn du her.

*Adelskalendaren over viser kun sum kampar og mål for dei som har spelt i 2018. For fullstendig adelskalendar klikk inn på klubben og adelskalendar i hovedmenyen

Fjørastatistikken er oppdatert for 2018

Me tek imot påmelding til KL 2018 i perioden 12.sept-30.okt. Tre klassar: herrer, damer og oldboys

Kjempenes Liga 2018 vert arrangert 9-10.november. Påmelding til <a href="mailto:tom_navarsete@hotmail.com">tom_navarsete@hotmail.com</a>&nbsp;der du oppgir lagnavn, mail og telefon innan påmeldingsfristen 30.oktober. Herrelag må også oppgi om de melder dykk på i vanleg klasse eller i oldboys.&nbsp;De skal få bekreftande mail tilbake på at de er påmeldt

For tilreisande herrelag som ønsker å spela innleiande kampar laurdag prøver me så langt det er muleg&nbsp;å legge til rette for det, oppgi dette i påmeldinga! Damelaga spelar i utgangspunktet innleiande fredag men viss nok lag kan det også bli spelt innleiande laurdag. Me har i utgangspunktet plass til 24 herrelag, 8 oldboyslag og 8 damelag men vil vurdere og utvide dersom ny full 4ar-gruppe slik som tidlegare. Kjem litt an på kapasitet, ledig hall etc

Ver obs på at det i denne turneringa er begrensingar på antall aktive. Ein vert rekna som aktiv/lisens dersom ein i 2018 har starta seriekamp i 4.div eller høgare for herrer og 2.div eller høgare for damer. Maks 2 aktive/lisens i kvar tropp og maks ein aktiv/lisens på bana om gangen. I oldboysklassa må alle vera 40+ (født 1978 eller tidlegare)&nbsp;inneverande år men kvart lag kan ha med ein spelar mellom 35-40 år (født 1983 eller tidlegare).

Påmeldingsavgift 2000 kr betales kontant i sekretariatet seinast 15 min før ditt lags første kamp!&nbsp;Dei som vil betale i nettbank må betale seinast onsdag 7.nov til konto 3705.14.67834. Det vil vera kiosk med godt utval midt på langsida på tribuna

Velkommen til turnering og ikkje minst ein sosial kveld på "byn" i Sogndal etterpå. Ingen organisert bankett men me kan garantere at det vert god stemning på Sogndal Hotell frå klokka 22 og utover.. Fri inngang på hotellet ved bestilling av middag på enten Vågal eller La Pergola. Treng du overnatting kan du kontakte Quality Hotel Sogndal direkte på <a href="mailto:q.sogndal@choice.no">q.sogndal@choice.no</a> eller www.nordicchoicehotels.no

For fullstendig turneringsreglement klikk deg inn på <a href="http://www.fjora.no">www.fjora.no</a> - Kjempenes Liga - Turneringsreglement

Påmelding Kjempenes Liga 9-10.nov 2018

Me ledar tabellen og står med åtte sigrar og tre uavgjort før me startar på haustsesongen

Åtte sigrar og tre uavgjort i serien. Tabelltopp med fem poeng ned til Eid har gitt oss eit godt utgangspunkt framfor haustsesongen og i cupen var det like før me slo ut Florø i første runde. Dermed kan Almås og co sjå tilbake på ein meir enn godkjendt vårsesong og håpet er at det skal fortsetja slik utover hausten. Me har hatt nokre veldig gode kampar mot Kaupanger, Eid, Stryn og Florø 2 i serien, i tillegg til at alle tre cupkampane me spelte var solide. På den andre sida har det også svinga veldig i ein del andre kampar men slik er det då kvar kamp lever sitt eige liv.

På spelarsida er det førebels berre Joar Hoberg som har reist medan Johan Salveson og Daniel Fylling framleis slit med skadar og vert nok berre med innimellom. Det er ikkje ofte me har så god kontinuitet i stallen gjennom sommaren så det håpar me vil gjere oss styrka i haust. Så vil det nok sikkert også komma nokon inn etter kvart.

Spelarane har hatt treningsfri no sidan 30.juni men held seg i form med andre aktivitetar og intervalltrening fram til me møtes att 26.juli. Då vert det ti dagar med trening før me skal ut i ein vrien bortekamp mot eit forsterka Tornado laurdag 4.august

Me ønsker alle våre samarbeidspartnarar, motstandarar, dommarar og følgarar ein fortsatt god sommar og velkommen tilbake på Fjørakamp i august og utover. Under er vårsesongen i tal

Oppsummering vårsesong 2018

Her finn du Fjøraposten 2018 i sin heilhet med blant anna litt informasjon om laga i kretsligaen og eit tabelltips. Og mange gode "visste du at..." - historiar sjølvsagt.

Visste du at over 100 bedrifter og organisasjonar har kjøpt annonse i Fjøraposten 2018? Stor takk til alle og ein kvar av dykk for støtta!

Trykk på linken under for å lese Fjøraposten 2018. Der finn du blant anna mange gode "visste du at..." - historiar, adelskalendar, spelarpresentasjonar, intervju med Fjøralegenda Morten Hagen og Fjøralupao 2018.

<a href="/kx/223/files/Fj%EF%BF%BDraposten%202018.pdf">Fjøraposten 2018</a>

Fjøraposten 2018 og Fjøralupa

Knepen men fortjent seier i Stryn etter mål av Outzen, Bjelde og Lereim Olsen

Spelemessig vesentleg bedre mot Stryn i dag enn forrige helg mot Tornado og me er det klart beste laget i store deler av kampen. Espen Outzen viste igjen at han er i svært god form om dagen og gav oss leiinga halvvegs ut i første omgang. Like etter fekk me straffe i mot som Stryn utlikna på før Karsten Bjelde på flott vis gav oss leiinga rett før pause. LO auka leiinga til 3-1 i starten av andre omgang og her bør me punktere kampen så til dei grader. I staden slepp me inn eit litt billig dødballmål halvtimen før slutt som gjer det unødvendig spennande mot slutten. Men sjølv med kun eitt mål opp skapar Stryn veldig lite på oss og me har stort sett kontroll på dei tre poenga.

Me har dermed fått ein god start på sesongen med seks av seks mulege poeng og betre enn det kan det ikkje bli poengmessig iallfall. Me takkar Stryn for kampen og ønskjer dei lykke til vidare i årets sesong, eit ungt lag som nok kjem til å utvikla seg mykje i løpet av sesongen og dei neste par-tre åra. Neste Fjørakamp er heime mot Dale førstkomande fredag kl 19, kanskje me snakkast då?

Kamptidspunkt: Lørdag 28.04 kl 15.00

Stryn – Fjøra 2-3 (1-2)

0-1&nbsp;&nbsp;&nbsp; 24 min Espen Outzen

1-1&nbsp;&nbsp;&nbsp; 28 min Garlid (str)

1-2&nbsp;&nbsp;&nbsp; 42 min Karsten Bjelde

1-3&nbsp;&nbsp;&nbsp; 52 min Andreas Lereim Olsen

2-3&nbsp;&nbsp;&nbsp; 62 min Jakobsson

Gult kort: Steffen Olsen, Karste Bjelde

Svenn Ove Gjøringbø (Håvard Stedje fra 85.)

Stryn - Fjøra 2-3

Laurdag 15:00 spelar me vår første seriekamp då Tornado Måløy kjem på besøk.

Etter ei fin oppleving i cupkampen mot Florø er det no klart for seriestart då ein gammal storhet kjem på besøk, nemleg Tornado Måløy. Det vart tunge 120 minutt mot Florø men me har restituert bra med dugnadsarbeid for Yngve Hallen og Sogndal rundt Kvåle stadion. Den største utfordringa til Almås/Nilsen med å gå frå eit knepent tap mot eit oboslag til seriestart i kretsligaen er og nullstilla spelargruppa. Det klarer dei forhåpentlegvis og me går som vanleg ut for å spela vårt spel og ta med oss alle poenga. Det er lite skadar i troppen og det er vel kun langtidsskadde Eirik Stedje og Daniel Fylling som er indisponible i tillegg til Panser-Per som framleis er i Afrika. I tillegg er det litt småskadar hos Johan Salveson og Joar Hoberg men dei vert truleg klare.

For Tornado Måløy er Sveinung Frantzen vorten spelande trenar og han kjem med eit ungt lag til Sogndal i morgon. Nevnte Frantzen må, saman med rutinerte Pleym Evensen og Refvik, dra mykje av lasset for Måløy i år og me har tippa dei på sjuandeplass i vår Fjøralupe. Til Fjøralupa seier Frantzen følgande: "Vi ønsker primært og spele offensiv og underholdene fotball og har mange unggutar vi forventar mykje av i år. Det og ha samme taktikk heime mot Vik som borte mot Fjøra kan få katastrofale følger. Det er fort gjort at et ungt lag gjer urutinerte og lite taktisk kloke valg i pressa kampsituasjoner så her har våre trenarar eit ekstra stort ansvar undervegs i kampane. Samtidig meiner vi dette er vegen og gå for at dei unge på sikt skal ta meir ansvar og løfte Tornado Måløy tilbake på øvre halvdel av tabellen"

Me ønsker Sveinung og Tornado Måløy velkommen til Campus i morgon og ønskjer dei og alle andre i kretsligaen lykke til med sesongen. Den nevnte Fjøralupa 2018 er på veg i trykken i desse dagar og kjem i Fjøraposten om 12-14 dagar. Me vil derfor ikkje publisera den i sin heilhet her før den er komen i postkassane til alle bustader i Sogndal rundt serieomgang 3. Me nøyer oss med å presentera vårt tabelltips så kan de lesa grundigare informasjon om alle laga om to veker:

Send inn ditt tips på haugenfotball.no før seriestart i kveld du og!

Seriestart

Me har no hatt litt over to døgn på Aktea Beach Hotel i Agia Napa og gjennomført fire gode økter på flotte grasbaner. Med avreise frå Sogndal til Gardermoen kl 2230 tysdag kveld, og flytur til Larnaca via Munchen onsdag morgon var det ein del trøytte tryner ved ankomst. Trenarane gjorde eit forsøk på og få turen ut av kroppen med å køyra litt fotballtennis på hotellplenen men etter om lag 10 minutt måtte dei gi opp då det var umuleg og sjå ballen i skumringa.&nbsp;&nbsp;

Dei fire øktene så langt har vore litt prega av nytt underlag og tilvenning. Etter frukost presis kl 0815 har me køyrt ei god økt klokka 10 og ei roleg økt kl 1530. Det vert gitt poeng til vinnande lag på øktene og den spelaren som kjem best ut etter siste økt vil få ein liten påskjønning for det. Samtidig er det konkurransar på kvar ettermiddagsøkt med ein liten straff til taparen. Mellom øktene er det inntak av litt god mat og god tid til å jobba med brunfargen. Mange Fjøraspelarar har kjøpt seg solbriller med ekstra mørke glas då det er to svenske damelag som også bur på hotellet.&nbsp;

Men det er ikkje berre brunfargen det vert jobba med mellom øktene. For at dei yngste skulle få godkjendt fravær frå skulen har dei fått med seg nokre oppgåver dei skal løysa. Johan Salveson og Knut Idar driv litt leksehjelp og i morgon skal elevane opp til eksamen med innlevering av oppgåvene sine. I kveld kjem også dei to siste i reisefølge til Kypros, Sindre Thue og Håvard Stedje, som begge har hatt eksamen heime. Det vert spennande og sjå om dei klarer og orientera seg åleine på flyplassen i Munchen, men me satsar på at «reiser åleine» tskjorta me har kjøpt til dei skal ta dei trygt fram.

Som vanleg er det eit supert opplegg med Vicit der bussane står og ventar på oss både før og etter trening. Almås/Nilsen har funne ut at dei skal jogga nedatt på hotellet etter trening i staden for og ta bussen slik at dei også får trent litt innimellom all maten dei stappar i seg. Men når me såg Almås ankom hotellet i dag, raudsprengt i trynet, spørst det om me ikkje skal anbefala han og sitta på med bussen av og til iallfall…. Me skal spela to treningskampar under opphaldet, søndag mot Loddefjord (4.div) og tysdag mot Aspudden frå Sverige (3.div). Me kjem tilbake til korleis det går i desse kampane.

Reisebrev fra Kypros

Fjøra sendte i dag Årdal heim med heile 8-1 etter og ha leda 6-0 ved pause og er med det klar for andre kvalikrunde 4.april. Me forventa ein hard kamp mot Årdal men slik vart det ikkje, og når me sette inn vårt tredje etter om lag 20 minutt var i realiteten kampen avgjort. Me fekk sjå ein glitrande førsteomgang der me spelte med høg intensitet både med og utan ball og hadde mange gode bevegelsar og angrep. Sjølv om Årdal også hadde eit par feite sjansar var det stort sett spel mot eitt mål dei første førtifem.

I motsetning til i første omgang var ikkje Fjøra heilt påskrudd når andre omgang starta og då fekk me sjå kor lite som skal til før motstandaren tek over. Årdal var best første ti-femten av andre og nytta også sjansen til å redusera til 6-1 etter 51 minutt. Resten av omgangen var ganske jamn, Fjøra løfta seg litt igjen og fekk to mål til.

Ingen tvil om avansementet i dag og me er veldig fornøgd med måten me gjennomfører vår første obligatoriske kamp på. Morten Knutsen med tre mål og ein assist frå sin midtbaneposisjon, Lereim Olsen med to, Skjerven og Outzen med eitt mål kvar medan Bukve var uheldig og sette eit innlegg i eige mål.

No ventar det trening i hallen på måndag før Fjøra på onsdag reiser ei veke på Kypros og skal finpussa formen inn mot seriestart i midten av april. Takk til dommarar og Årdal for kampen, me er forberedt på at seriekampen mot årdølene vert atskillig tøffare enn kampen i dag!

Kamptidspunkt: Søndag 18.03 kl 14.00

Turnering:&nbsp;NM 1.kvalikrunde

Dommar: Elias Åsebø, Haugen IL

Fjøra – Årdal 8-1 (6-0)

1-0&nbsp;&nbsp;&nbsp; 12 min Bukve, sjølvmål (Eirik Kristoffersen)

2-0&nbsp;&nbsp;&nbsp; 14 min Kenneth Skjerven (Morten Knutsen)

3-0&nbsp;&nbsp;&nbsp; 19 min Andreas Lereim Olsen (Sindre Thue)

4-0&nbsp;&nbsp;&nbsp; 28 min Morten Knutsen (Kenneth Skjerven)

5-0&nbsp;&nbsp;&nbsp; 39 min Morten Knutsen (Karsten Bjelde)

6-0&nbsp;&nbsp;&nbsp; 45 min Andreas Lereim Olsen (Eirik Kristoffersen)

6-1&nbsp;&nbsp;&nbsp; 51 min Terje Kvam Øvstetun

7-1&nbsp;&nbsp;&nbsp; 66 min Espen Outzen (Eirik Kristoffersen)&nbsp;&nbsp;&nbsp;&nbsp;&nbsp;&nbsp;&nbsp;&nbsp;

8-1&nbsp;&nbsp;&nbsp; 71 min Morten Knutsen (Mathias Flo)

Gult kort: ingen på Fjøra

Eirik Husabø (Sondre Loftesnes frå 59.)

Fjøra - Årdal 8-1 (6-0)

Fjøra går sigrande ut av lokalderbyet mot studentspretten 

Laurdag kveld den 17.02 brake det laust i sognahallen med lokalderby mellom Fjøra og Studentspretten. Dei vel 130 tilskodarane som møtte opp fekk servert ein jamnspelt kamp, der begge lag hadde sine sjansar. Men til slutt var det fjørene som drog sigeren i land, og kunne dermed innkassere ein ny seier etter 5-1 ved full tid. Espen Outzen og Malvin Gjerde sette inn måla for Fjøra.

Fjøra fekk ein pangstart på kampen då Espen Outzen etter 4.min mottok ein ball frå Lerheim Olsen og med eit langskot sette inn 1-0. 10.min seinare følgde goalgetter Malvin Gjerde opp med ein tapp inn frå 2meter, etter at Eirik Kristoffersen leverte eit nydeleg frispark inn i feltet. Spretten reduserte i det 27.min til 2-1 på ein corner der fjøra spelarane svikta litt i markeringa. Nokre &nbsp;minutt seinare fekk eit par studentspretten spelarar prøvekøyra «Malvin-karusellen» før sesongen, då Malvin sette inn 3-1 etter eit lekkert dribleraid. Same mann la på til 4-1 med straffescoring. I det 81.min serverte Eirik Kristoffersen eit nytt innlegg, denne gong på pannebrasken til Malvin Gjerde som sette ballen utagbart i det venstre hjørna. Gjerde fastsette sluttresultatet på 5-1 med sin 4 scoring for kvelden, ein svært imponerande førestilling av Vossingen. &nbsp;&nbsp;&nbsp;

Kort oppsumert gjennomførte Fjøra ein godkjent kamp, der me tok godt vare på sjansane våre kombinert med eit solid forsvarsspel. Studentspretten er eit bra lag som truleg vil kjempa i toppen av 4.divisjon, og sjølv om resultatet på 5-1 lyg litt er det definitivt noko me tek med oss vidare. Nokre slitne bein var det å sjå utpå matta, so ei litt rolegare treningsveke no vil gjera godt inn mot neste treningskamp, som spelast på bortebane mot Årdal den 28.02. &nbsp;&nbsp;&nbsp;&nbsp;&nbsp;&nbsp;

Kamptidspunkt: Laurdag 17.02 kl. 17.00

Fjøra vs Studentspretten 5-1 (3-1)

1-0&nbsp; &nbsp;4 min Espen Outzen (Andreas L.O.)

2-0&nbsp; 14 min Malvin Gjerde (Eirik Kristoffersen)

3-1&nbsp; 35 min Malvin Gjerde (Sindre Thue)

4-1&nbsp; 79 min Malvin Gjerde (Espen Outzen)

5-1&nbsp; 81 min&nbsp; Malvin Gjerde (Eirik Kristoffersen)

Gult kort: Steffen Olsen

Håvard Mjelleli (Bjarte Hovland frå 75.)

Erik Loftesnes, Arild Underdal, Elias Saltnes, Anders Veum og Bjarte Hovland

Fjøra vs Studentspretten 5-1

Storseier og mange flotte mål i tredje treningskamp

Fjøra hadde vunne dei to første treningskampane mot SIL 2 (1-0) og Voss (4-1) men med litt varierande prestasjonar slik det plar vera på denne tida av året. Mot Florø 2 losna det skikkeleg og i første omgang var det kun eit lag på bana. Ein omgang som enda heile 7-0 til Fjøra etter mange flotte angrep og scoringar. Fjøra var rett og slett hakket tøffare og spelte med eit mykje større tempo enn dei unge florøværingane. Me såg også att mykje av det me har trent på og det var mykje flotte kombinasjonar i forkant av mange av måla. Spesielt lot me oss begeistra av Andreas Lereim Olsen som i tillegg til tre mål og ein assist gjorde ein formidabel jobb i gjenvinningsfasen.

Etter sju mål i første omgang var fokuset i pausen og gjenskapa det me dreiv med i den første samt og tørra litt meir i frispelinga bak. Så gjekk det litt som det pleier etter ein så god omgang, me datt litt nedpå og slutta og gjera ting like enkelt som før pause og då vart det til tider ein litt rotete omgang. Like fullt fekk me kanskje dei to flottaste måla våre etter pause, først etter 62 minutt då Sindre Thue tok eit kjapt innkast til Steffen Olsen som deretter dunka ballen i krysset frå 30 meter. Rett og slett vakkert frå ruter Olsen. Ti minutt seinare kom Sondre Loftesnes i lange klyv frå sin høgrebackposisjon før han slo eit innlegg sjølv Beckham hadde vore stolt av. Innlegget fann Lereim Olsen på bakerste som med ein utsøkt heading stanga ballen i krysset. Like etter fekk Florø 2 eit trøstemål og kampen enda med 9-1

Ein veldig god kamp av Fjøra som i store periodar rundspelte bortelaget. I tillegg til nemnte Lereim Olsen putta også Malvin Gjerde tre mål og Almås fekk testa ut Mathias Flo som midtstoppar i fråværet til Joar Hoberg. Han vart ikkje sett på dei store prøvane men tok seg greitt av det som kom og sette også i gang mange fine angrep bakfrå.

Det skal seiast at nokre av måla våre kom av at Florø var i overkant naive i frispelinga si bak men dei skal ha skryt for at dei heile tida prøvde og spela seg ut og ikkje lot seg frista til å hamra ballen opp. Dette er nok ein bevisst strategi frå Florø si side og er det noko me kan setja fingeren på for vår eigen del i dag så er det at også me kan tørra litt meir i frispelinga vår bak, spesielt no i treningskampane. Elles var det mykje positivt og ta med seg vidare for Knut Almås og Jens Ivar Nilsen frå dagens kamp, noko også resultatet viser.

Kamptidspunkt: Laurdag 10.02 kl 13:30

Fjøra – Florø 2/G19 9-1 (7-0)

1-0&nbsp;&nbsp;&nbsp; &nbsp;&nbsp;2 min Malvin Gjerde (Eirik Kristoffersen)

2-0&nbsp;&nbsp;&nbsp; 13 min Andreas Lereim Olsen (Sindre Thue)

3-0&nbsp;&nbsp;&nbsp; 17 min Andreas Lereim Olsen (M Flo)

4-0&nbsp;&nbsp;&nbsp; 21 min Malvin Gjerde

5-0&nbsp;&nbsp;&nbsp; 36 min Espen Outzen (Kenneth Skjerven)

6-0&nbsp;&nbsp;&nbsp; 39 min Malvin Gjerde (A Lereim Olsen)

7-0&nbsp;&nbsp;&nbsp; 45 min Kenneth Skjerven (Morten Knutsen)

8-0&nbsp;&nbsp;&nbsp; 62 min Steffen Olsen (Sindre Thue)&nbsp;

9-0&nbsp;&nbsp;&nbsp; 72 min Andreas Lereim Olsen (Sondre Loftesnes)

9-1&nbsp;&nbsp;&nbsp; 74 min ukjendt

Karsten Bjelde (Sondre Loftesnes frå 46.)

Fjøra - Florø 2 / G19 9-1

Me er godt i gang med sesongførebuingane og har fått inn fleire nye (og gamle) ansikt i troppen.

Sju nye spelarar er komen inn i Fjøra siste månadene og heile seks av desse er frå Sogndal og omegn. Det passar oss veldig bra og me har fått&nbsp;ein god miks både aldersmessig&nbsp;og i fordelinga av&nbsp;studentar og lokale. Mykje svoltne og treningsvillige karar som stadig utviklar seg under Almås og Nilsen sine vinger. og som gler seg til å møtast på trening. På bildet over er frå venstre: Johan Salveson, Morten Knutsen, Andreas Lerheim Olsen, Mathias Flo, Brage Navarsete, Sondre Loftesnes og Daniel Fylling

Morten Knutsen kom til Fjøra frå Djerv 1919 i haust men har ikkje vore fast inventar på Fjøratreningane før no nyleg. Han kan bekle fleire posisjonar på midten i tillegg til at han&nbsp;muligens kan vikariera som midtstoppar sjølv om det neppe er hans favorittposisjon. Ein spelar med bra driv og trøkk i. Brage Navarsete er ein ung og lovande høgreback som kjem frå Syril. Son til Fjøralegenda Endre Navarsete har hospitert med Fjøra tidlegare og me er glade for at han ynskte og spela for oss i 2018. Han slår dermed følge med Stian Njøs, Per Eirik Lunde og Eirik Husabø som også har gått gradene i Syrilfotballen.&nbsp;Frå SIL3 kjem Sondre Loftesnes etter og ha trent med Fjøra sidan slutten av november. Han har vist fin progresjon sidan&nbsp;oppstart og er ein me&nbsp;håpar kan&nbsp;utviklast og formast&nbsp;til å bli ein god forsvarsspelar i Fjøra på sikt.

Framover i bana har to solide namn i Mathias Flo og Andreas Lerheim Olsen meldt overgang til Fjøra. Målgarantistar begge to og det vert spennande og sjå kva desse to kan få til saman med Malvin Gjerde framfor motstandaren sitt mål. Sist, og ikkje minst, har to gamle ringrevar snørt på seg fotballskoa igjen og skal gjera eit forsøk på comeback. Daniel Fylling har allerede pådrege seg ein liten skade medan Johan Salveson stort sett har komme seg gjennom dei fleste treningar. I desse tider der færre og færre spelar fotball til dei er 30 er det ekstra kjekt og få med att desse to og dei har mykje og bidra med både på og utanfor bana.

Knut Idar Kristoffersen fortel at dei nye fjesa har glidd godt inn i Fjøramiljøet og at det er flott med så mange lokale namn inn i stallen&nbsp;sidan me også har mista&nbsp;nokre sentrale spelarar. Me skal skapa eit godt miljø og ein god treningskultur øg ha mest muleg lokale spelarar i stallen krydra med nokre gode studentar.

Erlend Grov slår følge med Sixten Dalen Jensen og skal spela for SIL2 i tredjedivisjon då begge desse innehar kvalitetar som minst høyrer heime ein divisjon over kretsligaen. Litt kjedeleg og mista to så gode spelarar men me har forståing for at dei ønskte og spela eit nivå over det Fjøra kunne tilby i år. Me må få skryta av engasjementet til begge desse to og for bidraget i Fjøra i denne omgang, prima studentar og ha på laget!&nbsp;

Stallen til Fjøra ser dermed slik ut pr i dag, 18.januar:

Av desse 23 er det fleire som har har vore ein del plaga med skadar siste året&nbsp;og som treng litt tid før dei vert hundre prosent. I tillegg reiser Per Eirik Lunde i praksis til Afrika og er ikkje aktuell for spel før i midten av mai.

Fjøratroppen 2018 begynnar og ta form

Emil skal hospitera med Brann sitt a-lag i to veker

(Bildet er henta fra Brann sine nettsider, brann.no)

Fjøra sin målvakt, Emil Harloff, reiste i dag til Gran Canaria, der han dei to neste vekene skal hospitera med Brann sitt a-lag. Emil kom til Sogndal sommaren 2016 og spelte eit halvt år på SIL2 før han meldte overgang til Fjøra for å spela i tredjedivisjon i 2017. Med god gjelp av Geir Stenehjem som keepertrenar tok han ytterlegare steg i fjorårssesongen og det er derfor svært gledeleg at han no får sjansen til å visa seg litt fram saman med heilprofesjonelle fotballspelarar i Brann.

Tidlegare har Harloff spelt for Minde, Fana og nettopp Brann, då på Brann 2 og Brann G16. Me ønsker Emil lykke til på treningsleiren og medan han er vekke fra Fjøratreningane er det venta at det vert hard konkurranse mellom Knut Idar og Bjarte Hovland om kven som skal stå i mål på trening saman med Håvar Mjelleli!

Brann reiser, iflølge sine heimesider, til Gran Canaria med troppen sin på 21 mann samt Emil Harloff, junioren Marius Bildøy og Nest-Sotra sin Johnny Furdal. Les meir på&nbsp;<a href="http://www.brann.no/nyheter/troppen-til-gran-canaria-turen">http://www.brann.no/nyheter/troppen-til-gran-canaria-turen</a>

Emil Harloff til Gran Canaria med Brann

Førebels oversikt sesongoppkøyring 2018

Fjøra trenar no to ganger i veka men fra 8.januar trappar Almås opp til fire treningar. Første treningskamp vert fredag 26.januar mot SIL2 medan ein for første gang sidan 2011 har planlagt ein ny treningsleir. Jan Rune Årøy har tatt opp att den gode dialogen med våre gode venner i Vicit og 21.-28 mars vert Fjøra og finna på sydlegare breiddegrader med to økter kvar dag. Førebels oversikt treningskampar under:

FJØRA FK

Verdas minste fotballklubb

Fjøraposten 2025

Fjøraposten 2025

Kampoppsett til Kjempenes Liga

Påmelding til Kjempenes Liga 15-16.nov 2024

Fjøraposten 2024

Bli Grasrotgiver og støtt klubben i ditt hjerte